ఆ రాక్షసులకు గరుడ పురాణమే కరెక్ట్‌ ట్రీట్‌మెంట్‌

Spread the love
Disha Rapists Must Hang To Death
దిశ హత్యాచార ఘటనపై ఆగ్రహ జ్వాలలు రగులుతూనే ఉన్నాయ్‌. వెటర్నరీ డాక్టర్‌పై పైశాచికత్వానికి పాల్పడిన నరరూప రాక్షసులకు మాములు శిక్షలు సరిపోవని… వాళ్లకి ​గరుడ పురాణంలో సూచించిన శిక్షలే కరెక్ట్‌ అంటున్నారు చిలుకూరు బాలాజీ ఆలయ ప్రధాన అర్చకులు సీ.ఎస్‌. రంగరాజన్‌. నిందితులను రేపాసురులుగా ​సంబోధించాలన్నారు. ముక్కలు ముక్కలుగా నరికేయడమో… ఉరి తీయడమో చేయాలని సూచించారు. ఇలాంటి ఘటనల్లో దోషులకు ఆరు నెలల్లోపు శిక్ష పడేలా ​చూడాలని వాళ్లకు అప్పీలుకు వెళ్లే అవకాశం కల్పించకూడదని వ్యాఖ్యానించారు. ​ ఇది నా ఒక్కడి అభిప్రాయం మాత్రమే కాదని… మెజార్టీ ప్రజలు నిందితులను కఠినంగా శిక్షించాలని డిమాండ్‌ చేస్తున్నారని వెల్లడించారు. 24 గంటల్లో అరెస్ట్‌ చేసిన ​పోలీస్‌లు ప్రశంసలకు అర్హులని.. కానీ కంప్లైంట్‌ నమోదు చేసే సమయంలో వారి ఆలసత్వం కరెక్ట్‌ కాదన్నారు. బాధితురాలి కుటుంబాన్ని పరామర్శించిన రంగరాజన్‌ వారి ​బాధ వర్ణానతీతమని ఓదార్చడానికి మాటలు చాలడం లేదన్నారు. దిశ కుటుంబానికి సమాజం మొత్తం అండగా ఉంటుందన్నారు. ​
కష్టాల్లో ఉన్న మహిళలను రక్షించడానికి ప్రతీ ఒక్కరు రామాయణంలో జఠాయులా ముందుకు రావాలని పిలుపునిచ్చారు. మహిళల కోసం బోల్డన్నీ చట్టాలున్నా అవేవీ ​వారిని రక్షించలేకపోతున్నాయని… యువత రక్షకుల్లా ఉండాలే కానీ రాక్షసుల్లా కాదన్నారు. ఇక దిశపై జరిగిన కర్కశత్వాన్ని ఖండిస్తూ ఇప్పటికే చిలుకూరు బాలాజీ ​దేవాలయాన్ని మూసేసి బాధితురాలికి సంతాపం ప్రకటించారు. ఆ సమయంలో భక్తులెవరికి దర్శనానికి అనుమతివ్వలేదు. అలాగే మహిళల భద్రతను కాంక్షిస్తూ ​దేవాలయం చుట్టూ మహా ప్రదక్షిణం చేశారు. ఆడవారిని గౌరవిస్తూ కన్యావందనం లాంటి కార్యక్రమాలు సైతం నిర్వహిస్తోంది.

Leave a Reply

Your email address will not be published. Required fields are marked *