భారీ గణపతి శోభాయాత్ర..

Spread the love

HUGE GANAPATHI SHOBHAYATRA

గణేశ నవరాత్రులు ముగిశాయి . ఘనంగా పూజలందుకున్న బొజ్జ గణపయ్యలు గంగమ్మ చెంతకు బయలుదేరారు .వినాయక నిమజ్జనానికి  అధికారులు అన్ని ఏర్పాట్లు చేశారు. ఇక  చివరి పూజలందుకున్న ఖైరతాబాద్ శ్రీద్వాదశాదిత్య మహాగణపతిని భారీ క్రేన్‌ సాయంతో ట్రక్కుపైకి ఎక్కించారు. హైదరాబాద్‌లో గణేష్ నిమజ్జనోత్సవంగా ఘనంగా జరుగుతోంది. ఖైరతాబాద్ మహా గణపతిని ఉదయం 7 గంటలకే మండపం నుంచి కదిలించారు. ఇక మరికాసేపట్లో  ఖైరతాబాద్ గణేష్‌ నిమజ్జనం కూడా పూర్తికానుంది. దీంతో ట్యాంక్ బండ్‌కు భారీగా జనం చేరుకుంటున్నారు. దీంతో ట్యాంక్ బండ్ ప్రాంతమంతా రద్దీగా మారింది.
భారీ గణపతి శోభాయాత్ర ప్రారంభం కావడంతో స్వామివారిని దర్శంచుకోవడానికి రోడ్డుకు రెండు వైపులా భక్తులు నిలుచుని స్వాగతం పలుకుతున్నారు. హైదరాబాద్‌లో మొదట నిమజ్జనం జరిగేది ఖైరతాబాద్ మహా గణపతేనని నిర్వాహకులు చెబుతున్నారు. ఎన్టీఆర్ మార్గ్‌లోని క్రేన్ నెంబర్ 6 దగ్గర ఖైరతాబాద్ మహా గణపతి నిమజ్జనం జరుగుతుంది. ఖైరతాబాద్ శ్రీద్వాదశాదిత్య మహాగణపతిని అన్నింటికంటే ముందే నిమజ్జనం చేసేందుకు ఏర్పాట్లు పూర్తి చేశారు. మహా గణపతిని సంపూర్ణంగా నిమజ్జనం చేసేందుకు క్రేన్ నెంబర్ 6 దగ్గర 20 ఫీట్లకు పైగా నీరు లోతు పెంచారు. మహా గణపతి  నిమజ్జనంతో మహా ఘట్టం పూర్తి కానుంది .

tags : ganesh chaturdhi, ganesh navarathrulu , khairatabad,  dwadashadithya maha ganapathi , shobha yathra

Leave a Reply

Your email address will not be published. Required fields are marked *