ఆమిర్‌, ఆలియాల‌పై కంగ‌నా ఫైర్‌

Spread the love
Kangana Fires on Amir , ALIA
`మ‌ణిక‌ర్ణిక‌:  ది క్వీన్ ఆఫ్ ఝాన్సీ` స‌క్సెస్‌తో కంగ‌నా ర‌నౌత్ రేంజ్ న‌టిగా మ‌రో మెట్టుకు ఎదిగింది. సాధార‌ణంగా ఫైర్‌తో ఉండే ఈ లేడీ షాట్ గ‌న్ ఇప్పుడు త‌న మాట‌ల‌కు మ‌రింత ప‌దును పెంచుతుంది. ఆమె రీసెంట్ ఇంట‌ర్వ్యూలో బాలీవుడ్ స్టార్స్ ఆమిర్‌, ఆలియాల‌పై మాట‌ల తూటాను పేల్చింది. కంగ‌నా మాట్లాడుతూ “ క్వీన్ సినిమాను ఫాంట‌మ్ సినిమా నిర్మించింది. క్వీన్ క్రెడిట్ అంతా ఆ సంస్థ‌కే ద‌క్కింది. స్క్రీనింగ్‌లో కూడా ఆ సంస్థ సినిమాల గురించే మాట్లాడేవారు. నా గురించి ఎవ‌రూ మాట్లాడేవారు కారు. నా సినిమా స్క్రీనింగ్‌కి ఎవ‌రూ వ‌చ్చేవారు కాదు. వారికేద‌న్నా అవ‌స‌రం వ‌స్తే సిగ్గు లేకుండా నాకు ఫోన్ చేసేవారు. నేను నా షూటింగ్ క్యాన్సిల్ చేసుకుని మ‌రీ వెళ్లేదాన్ని. `రాజి` సినిమా స‌మ‌యంలో నాకు లింక్ పంపి ఆలియా ఫోన్ చేసి చూడ‌మ‌ని రిక్వెస్ట్ చేసింది. నేను త‌న‌కోసం కాకుండా దేశం కోసం పోరాడిన సెహ‌మ‌త్ ఖాన్ అనే మ‌హిళ క‌థ కాబ‌ట్టి ఆ ట్రైల‌ర్ చూశాను. అలాగే `దంగ‌ల్‌` సినిమా స‌మ‌యంలో కూడా ఆమిర్‌ఖాన్ సినిమా గురించి అంబానీ నివాసానికి వెళ్లార‌ని తెలిసి నేను కూడా వెళ్లాను. సినిమా బాగుందంటూ వారితో చ‌ర్చించాను. కానీ నా సినిమా స్క్రీనింగ్‌కు వారెవ్వ‌రూ రాలేదు“ అంటూ త‌న ఆవేద‌న‌ను వ్య‌క్తం చేశారు కంగ‌నా ర‌నౌత్‌.

Leave a Reply

Your email address will not be published. Required fields are marked *