భానుడి భగభగలు.. బెంబేలెత్తుతున్న ప్రజలు

Spread the love

Sun Stroke Effects in telugu states

జూన్ నెల సగం ముగిసిన మనదేశంలో చాలా ప్రాంతాలు ఇంకా నిప్పుల కొలిమిని తలపిస్తున్నాయి. రుతుపవనాల ప్రవేశం ఆలస్యం కావడంతో భానుడు రెచ్చిపోతున్నాడు. ముఖ్యంగా ఉత్తర భారతంలో వడగాలులతో ప్రజలు అల్లాడిపోతున్నారు. రికార్డుల ప్రకారం 2019 సంవత్సరం ఉష్ణోగ్రతల్లో సరికొత్త రికార్డులు నెలకొల్పింది. ఈ ఏడాది ఇప్పటివరకు వరుసగా 32రోజుల పాటు వడగాలులు వీచాయని ఐఎండీ తెలిపింది. 1988లో రికార్డు స్థాయిలో 33 రోజుల పాటు వడగాలులు వీచాయని.. ఈ రికార్డు ఈ ఏడాది కనుమరుగు కానుందని వెల్లడించింది.
శనివారం బిహార్, వెస్ట్ బెంగాల్ రాష్ట్రాల్లో సాధారణం కంటే ఎక్కువ ఉష్ణోగ్రత నమోదైంది. విదర్భ, ఆంధ్రప్రదేశ్‌, తెలంగాణ, రాజస్థాన్‌లోని చాలా ప్రాంతాల్లో 40 డిగ్రీల కంటే అధికంగా ఉష్ణోగ్రతలు నమోదయ్యాయి. ఢిల్లీ, పట్నాలో 45 డిగ్రీలకు తక్కువగా, రాజస్థాన్‌లోని చురు, ఉత్తర్‌ప్రదేశ్‌లోని వారణాసిలో రికార్డు స్థాయిలో 45 డిగ్రీలకు మించి ఉష్ణోగ్రత నమోదైంది.
ఈ ఏడాది ఉష్ణోగ్రతలతో అనేక చోట్ల పాత రికార్డులు కనుమరుగై పోయాయి. జూన్ 10న ఢిల్లీలో ఈ ఏడాదిలో అత్యధిక ఉష్ణోగ్రత నమోదైంది. రాజస్థాన్, మహారాష్ట్ర, మధ్యప్రదేశ్ తదితర రాష్ట్రాల్లోని అనేక ప్రాంతాలు మే, జూన్ నెలల్లో అత్యధిక వేడి ప్రాంతాలుగా రికార్డులు నమోదు చేశాయి. రాజస్థాన్‌లోని చురులో మొన్నటివరకు అత్యధిక ఉష్ణోగ్రత రికార్డు 49.8 డిగ్రీలే ఉండేది(1993లో). అయితే ఈ ఏడాది అక్కడ 50 డిగ్రీలకు మించి ఉష్ణోగ్రతలు నమోదయ్యాయి. దీంతో 16ఏళ్ల రికార్డు కనుమరుగై పోయింది.

Leave a Reply

Your email address will not be published. Required fields are marked *