బాలయ్య కోసం ఎవరు దిగుతారు?

వరుస హిట్లతో దూసుకుపోతున్న బాలయ్య ఎక్కడా గ్యాప్‌ ఇవ్వకుండా సినిమాలు చేసుకుంటూపోతున్నారు. `అఖండ‌`, `వీర‌సింహారెడ్డి`,` భ‌గ‌వంత్ కేస‌రి` విజ‌యాల‌తో హ్యాట్రిక్ న‌మోదు చేసారు. ప్ర‌స్తుతం బాబి ద‌ర్శ‌క‌త్వంలో 109వ సినిమా `డాకు మ‌హారాజ్` సెట్స్ లో ఉంది. ఈ సినిమాపై అంచ‌నాలు ఎలా ఉన్నాయో చెప్పాల్సిన ప‌నిలేదు. బాల‌య్య మాస్ ఇమేజ్ కి ప‌ర్పెక్ట్ గా సెట్ అయిన ద‌ర్శ‌కుడు బాబి. ప‌క్కా బాబి మార్క్ ఎంట‌ర్ టైన‌ర్. కంటెంట్ కి త‌గ్గ క‌టౌట్ ప‌డితే ఎలా ఉంటుందో? మ‌రోసారి బాల‌య్య అండ్ బాబి రుజువు చేయ‌బోతున్నారు. ఇక ఈ చిత్రాన్ని బాల‌య్య‌ని అమితంగా అభిమానించే నాగ‌వంశీ నిర్మించ‌డం విశేషం. బాల‌య్య పై త‌న అభిమాన‌మంతా ఈ సినిమా లో క‌నిపిస్తుంది. ఈ సినిమా ప్ర‌చార కార్య‌క్ర‌మాలు సైతం పెద్ద ఎత్తున ప్లాన్ చేస్తున్నారు. సినిమా ట్రైల‌ర్ ని జ‌న‌వ‌రిలో రిలీజ్ చేయాల‌ని ప్లాన్ చేస్తున్నారట‌. అంటే జ‌న‌వ‌రికి బాల‌య్య అభిమానుల‌కు ఆ రూపంలో ట్రీట్ ప్లాన్ చేస్తున్న‌ట్లు లెక్క‌. పండ‌గ సంద‌ర్భంగా రిలీజ్ అయ్యే సినిమాల‌కు `డాకు మాహారాజ్` ట్రైల‌ర్ ఎటాచ్ తో థియేట‌ర్ల పూన‌కాలు లోడ్ అవుతాయి. అలాగే అటుపై నిర్వ‌హించే ప్రీ రిలీజ్ ఈవెంట్ కి ఓ స్టార్ హీరోనే గెస్ట్ గా తీసుకు రావాల‌ని ప్లాన్ చేస్తున్నారట‌. అంటే ఇప్ప‌టి జ‌న‌రేష‌న్ హీరోల్లో ప్రీ రిలీజ్ పేలాలంటే? మ‌హేష్‌, ప్ర‌భాస్ లాంటి హీరో హాజ‌రైతే వేరుగా ఉంటుంది. బాల‌య్య పిలిస్తే వాళ్లు రామంటారు. ఎంతో సంతోషంగా ఆయ‌న‌తో ఆ వేదిక‌ను పంచుకుంటారు. త‌మ జ‌న‌రేష‌న్ చిరంజీవి, వెంక‌టేష్ ల కంటే? మ‌హేష్, ప్ర‌భాస్ లో ఒక‌రైతే ఆ కిక్కే వేరుగా ఉంటుంది.