‘అసలేం జరిగింది?’ అదుర్స్..

9
Asalem Jarigindi Super Hit
Asalem Jarigindi Super Hit

Asalem Jarigindi Teaser Creating Curiosity

తెలంగాణలో జరిగిన వాస్తవ సంఘటనల ఆధారంగా రోజాపూలు ఫేమ్ శ్రీరామ్, సంచితా పదుకునే హీరోహీరోయిన్లుగా రూపొందిన సస్పెన్స్ థ్రిల్లర్ లవ్ స్టోరీ ‘అసలేం జరిగింది’ దుమ్ము రేపుతోంది. యేలేందర్ మహవీర్ సంగీతం స్వరపరిచిన ఈ సినిమాలోని అన్ని పాటలకు చక్కటి స్పందన రాగా.. తాజాగా ఈ చిత్రం మరో ఘనత సాధించింది. ఈ సినిమాలోని ‘వెన్నెలా చిరునవ్వై’ పాట నాలుగు మిలియన్ల డిజిటల్ వ్యూస్ తో సత్తా చాటింది. చిర్రావూరి విజయ కుమార్ రచించిన ఈ పాటను విజయ ప్రకాష్ చక్కగా ఆలపించాడు. 

ఆదిత్య మ్యూజిక్ ద్వారా విడుదలైన ఈ చిత్రంలోని టీజర్ కూ ప్రేక్షకులు బ్రహ్మరథం పట్టారు. ఇప్పటికే ఈ సినిమా టీజర్ రెండు మిలియన్ల డిజిటల్ వ్యూస్ సాధించింది. 8కే రిజల్యూషన్ కెమెరాతో తెరకెక్కిన ఈ సినిమాకు ఎస్. చిన్నా బ్యాక్ గ్రౌండ్ స్కోర్ అందించారు. సేతు స్పెషల్ ఎఫెక్ట్స్ ప్రేక్షకులను అమితంగా ఆకట్టుకుంటాయి. ఇప్పటికే ఈ సినిమా పట్ల ప్రేక్షకుల్లో అంచనాలు పెరిగాయి. ముఖ్యంగా, టీజర్ కు మంచి మార్కులు పడ్డాయి. మార్చిలో ఈ సినిమా విడుదలకు నిర్మాతలు సన్నాహాలు చేస్తున్నారు.