మహిళా ఎమ్మెల్యే తో సహా కారెక్కనున్న కాంగ్రెస్ ఎమ్మెల్యేలు

Few MLA are JUMPING TO TRS  ఒకరు కాదు నలుగురు

తెలంగాణ కాంగ్రెస్ పార్టీకి వరుస షాకులు తగులుతున్నాయి. ఒకరు కాదు ఇద్దరు కాదు ఏకంగా నలుగురు ఎమ్మెల్యేలు కాంగ్రెస్ పార్టీ కి హ్యాండ్ ఇచ్చి టీఆర్ఎస్ తీర్థం పుచ్చుకోవడానికి సిద్ధమైపోయారు. మొన్నటికి మొన్న బయ్యారం ఉక్కు కర్మాగారం కోసం ఆందోళన చేసిన ఇల్లెందు ఎమ్మెల్యే హరిప్రియ నాయక్ కార్ ఎక్కడానికి నిర్ణయం తీసుకున్నారు. కెసిఆర్ చేస్తున్న అభివృద్ధి పనులను దృష్టిలో పెట్టుకుని , నిస్వార్ధంగా కేసిఆర్ చేస్తున్న సేవలకు ఆకర్షితురాలై ఈ నిర్ణయం తీసుకుంటున్నట్లు ఆమె ఒక ప్రకటన విడుదల చేశారు.

గత ఏడాది డిసెంబర్ మాసంలో నిర్వహించిన అసెంబ్లీ ఎన్నికల్లో ఇల్లెందు నుండి కాంగ్రెస్ పార్టీ అభ్యర్ధిగా హరిప్రియా నాయక్ పోటీ చేసి విజయం సాధించారు.ఎన్నికల్లో తన గెలుపు కోసం సహకరించిన అన్ని వర్గాల ప్రజల రుణం తీర్చుకోవాలన్నా.. అభివృద్ధిఫలాలు అందరికీ అందాలన్నా ఈ నిర్ణయం తీసుకోకతప్పలేదని ఆయన చెప్పారు.ఎన్నికల్లో తనకు సహకరించిన వారందరితో సంప్రదించిన తర్వాతే తాను ఈ నిర్ణయం తీసుకొన్నట్టుగా ఆమె చెప్పారు.అవసరమైతే కాంగ్రెస్ పార్టీకి రాజీనామా చేసి, టీఆర్ఎస్ బీ ఫారంపై పోటీ చేసేందుకు కూడ సిద్దమేనని హరిప్రియానాయక్ ప్రకటించారు.
ఇప్పటికే కాంగ్రెస్ పార్టీకి చెందిన ఆత్రం సక్కు, రేగా కాంతారావు, చిరుమర్తి లింగయ్యలు టీఆర్ఎస్‌లో చేరుతామని ప్రకటించారు.తాజాగా ఇల్లెందు ఎమ్మెల్యే హరిప్రియానాయక్ కూడ టీఆర్ఎస్‌లో చేరనున్నట్టు ప్రకటించారు. మరో వైపు మాజీ మంత్రి సబితా ఇంద్రారెడ్డి,ఆమె తనయుడు కార్తీక్ రెడ్డిలు కూడ టీఆర్ఎస్ లో చేరేందుకు రంగం సిద్దం చేసుకొన్నారని సమాచారం.రెండు రోజుల్లో ఎమ్మెల్సీ ఉన్న సమయంలో కాంగ్రెస్ పార్టీకి చెందిన నలుగురు ఎమ్మెల్యేలు ఆ పార్టీకి గుడ్‌బై చెప్పడంతో ఆ పార్టీ నేతలు ఆందోళ చెందుతున్నారు. కాంగ్రెస్ పార్టీ ఇటీవల జరిగిన అసెంబ్లీ ఎన్నికల్లో 19 మంది ఎమ్మెల్యేలను గెలుచుకొంది. ఇద్దరు టీడీపీ సభ్యుల సహాయంతో ఎమ్మెల్సీని దక్కించుకోవాలని ప్లాన్ చేసింది. కానీ, ఆ పార్టీకి చెందిన ఎమ్మెల్యేలు వరుసగా టీఆర్ఎస్‌లోకి క్యూ కట్టడంతో కాంగ్రెస్ నాయకత్వం ఒక ఎమ్మెల్సీ స్థానాన్ని కూడా గెలుచుకునే అవకాశం కనిపించడం లేదు. అంతేకాకుండా టీఆర్ఎస్ లోకి క్యూ కడుతున్న నేతలతో కాంగ్రెస్ పార్టీ ఆందోళన చెందుతోంది.

- Advertisement -spot_img
- Advertisement -spot_img

Latest article