అశోక్ గజపతిరాజుకు జగన్ ఝలక్

162
SHOCK TO ASHOK GAJAPATHI
SHOCK TO ASHOK GAJAPATHI

SHOCK TO ASHOK GAJAPATHI

తెలుగుదేశం పార్టీ సీనియర్ నేత అశోక్ గజపతిరాజుకు ఏపీ సీఎం జగన్ ఝలక్ ఇచ్చారు. చాలా సంవత్సరాలుగా మాన్సస్ ట్రస్ట్ చైర్మన్ గా వ్యవహరిస్తున్న గజపతిరాజును జగన్ తప్పించారు. అనంతరం ఆ స్థానంలో అశోక్ సోదరుడు, ఆనంద గజపతిరాజు కుమార్తె సంచయితను నియమిస్తూ ఉత్తర్వులు జారీ చేశారు. ప్రస్తుతం బీజేపీలో ఉన్న ఆమెను ప్రభుత్వం ఈ పోస్టులో నియమించడం ప్రాధాన్యత సంతరించుకుంది. సంచయిత జాతీయ స్థాయిలో బీజేపీ వాయిస్ ను బలంగా వినిపిస్తున్నారు. ఈ క్రమంలో ఆమెను మాన్సస్ ట్రస్ట్ పీఠం అప్పగించడానికి ప్రాతిపదిక ఏమిటా అనే ఆరా తీస్తున్నారు. కేంద్రంలోని బీజేపీ పెద్దల సూచనలతోనే జగన్ ఈ పదవి ఆమెకు ఇచ్చారనే ప్రచారం జరుగుతోంది. పైగా జగన్ ప్రతిపాదించిన మూడు రాజధానులకు సంచయిత మద్దతిచ్చారు. ఇది కూడా ఆమెపై జగన్ సానుకూల వైఖరికి ఓ కారణమని చెబుతున్నారు. ఇప్పటికే కేంద్ర ప్రభుత్వ పెద్దల సూచనతో రిలయన్స్ అధినేత ముఖేష్ అంబానీ సన్నిహితుడు పరిమళ్ నత్వానీకి తమ కోటాలో రాజ్యసభ సీటు ఇవ్వడానికి జగన్ అంగీకరించారు. తాజాగా సంచయితకు మాన్సస్ ట్రస్ట్ చైర్ పర్శన్ పదవి అప్పగించారు. ఈ పదవి కోసం వైసీపీలోనే చాలామంది ఆశావహులు ఉన్నప్పటికీ సంచయితను ఎన్నుకోవడం ద్వారా అశోక్ గజపతిరాజును దెబ్బతీసే వ్యూహం కూడా ఉందని తెలుస్తోంది.

AP POLITICS

LEAVE A REPLY

Please enter your comment!
Please enter your name here