Zarine Khan Please Act
జ‌రీనా ఇప్పుడు యాక్షన్ సీక్వెన్స్ చేయ‌డానికి కూడా సిద్ధ‌మ‌వుతోంది. `వీర్‌`లో ప్రిన్సెస్ యశోధ‌ర పాత్ర‌లో న‌టించిన జ‌రీనా ఖాన్‌కు బాలీవుడ్‌లో హౌస్‌ఫుల్ 2, హేట్ స్టోరీ మంచి పేరు తెచ్చిపెట్టిన చిత్రాలు. స్పెష‌ల్ అప్పియ‌రెన్స్ చేయ‌డానికి కూడా ఏమాత్రం వెన‌కాడ‌ని జ‌రీనాకు ఇప్పుడు గోపీచంద్ సినిమాతో ద‌క్షిణాదిన మంచి అదృష్టం ప‌ట్టిన‌ట్టు అయింది. ఇందులోనే ఆమె ఫైట్స్ చేయ‌బోతోంది. యాక్షన్ హీరో గోపీచంద్ కథానాయకుడుగా తమిళ దర్శకుడు తిరు దర్శకత్వంలో ఓ సినిమా తెర‌కెక్కుతోన్న సంగ‌తి తెలిసిందే. రీసెంట్‌గా ఇండియా-పాకిస్థాన్ బోర్డర్ జైసల్మేర్ లో షూటింగ్ కూడా ప్రారంభమయ్యింది. యాక్షన్ ఎంటర్ టైనర్ గా తెరకెక్కుతుంది. దాదాపు యాభై రోజు ల పాటు జరిగే ఈ షెడ్యూల్ లో రాజస్థాన్, న్యూ ఢిల్లీ వంటి ప్రదేశాల్లో చిత్రీకరణ చేస్తారు. జ‌రీనా సెకండ్ లీడ్‌గా న‌టిస్తోంది. మెయిన్ హీరోయిన్ గా ఇంకా ఎవ‌రినీ ఎంపిక చేయ‌లేదు.
ఈ చిత్రానికి విశాల్ చంద్రశేఖర్ సంగీతం సమకూరుస్తుండగా, వెట్రి పళనిస్వామి సినిమాటోగ్రఫీ ని అందిస్తున్నారు.. ఏకే ఎంటర్ టైన్మెంట్స్ పతాకం పై అనీల్ సుంకర ఈ సినిమాను నిర్మిస్తున్నారు.. వేసవి కానుకగా మే లో సినిమా ప్రేక్షకుల ముందుకు రానుంది..
