తనను కలవాలని ఆరాటపడిన ఓ అభిమాని ఆకాంక్షను తీర్చారు ఆంధ్రప్రదేశ్ ముఖ్యమంత్రి చంద్రబాబు నాయుడు. క్యాన్సర్‌తో పోరాడుతూ చివరి ఘడియల్లో ఉన్న ఓ అభిమాని చంద్రబాబునుు కలిసి ఫోటో దిగాలని చాలా కాలంగా కోరుకుంటున్నాడు. రేణిగుంటకు చెందిన 30 ఏళ్ల సురేంద్రబాబు జీవితంలో ఒక్కసారైనా చంద్రబాబును కలవాలన్న ఆకాంక్షను స్థానిక నాయకుల ద్వారా శ్రీకాళహస్తి ఎమ్మెల్యే బొజ్జల సుధీర్‌ రెడ్డికి తెలిపారు.
ఆయన ఈ విషయాన్ని సీఎం చంద్రబాబు దృష్టికి తీసుకెళ్లారు. ఈ నేపథ్యంలో తిరుమల తిరుపతి పర్యటన ముగించుకుని శనివారం రేణిగుంటలో ఎయిర్ పోర్ట్ లో విమానం ఎక్కేందుకు వెళ్తున్న ముఖ్యమంత్రి వాహనం దిగి వచ్చి సురేంద్రబాబును కలిసి ఫోటో దిగారు. క్యాన్సర్ తో బాధపడుతున్న సురేంద్రబాబుకు వైద్య చికిత్స కోసం 5 లక్షల చెక్కును అందజేశారు ముఖ్యమంత్రి చంద్రబాబు. తన అభిమాన నాయకుడిని కలవడంతో అతడి సంతోషానికి అవధులు లేవని చెప్పాలి. ఇక సురేంద్ర బాబు తల్లిదండ్రులు కన్నీరుమున్నీరయ్యారు.
