నైజీరియాలో ఘోర ప్రమాదం జరిగింది. పెట్రోల్ ట్యాంకర్‌ ట్రక్కును ఢీకొట్టిన ఘటనలో మొత్తం 48 మంది చనిపోయారు. నైజీరియాలో లోని నార్త్‌ సెంట్రల్‌ నైగర్‌ స్టేట్ లోని అగాయ్‌ ప్రాంతంలో ఈ ఘోర ప్రమాదం జరిగింది. ప్రయాణికులతో పాటు పశువులను తీసుకెళ్తున్న ట్రక్కును పెట్రోల్ ట్యాంకర్‌ ఢీకొట్టింది. ఆ సమయంలో భారీ పేలుడు సంభవించింది. ఈ సందర్బంగా దగ్గరలో ఉన్న ఇతర వాహనాలకూ మంటలు వ్యాపించాయి.
ఈ ప్రమాదంలో ట్రక్కులో ప్రయాణిస్తున్న పలువురితో పాటు పశువులు సజీవ దహనమయ్యాయి. ఘటనాస్థలికి చేరుకున్న అధికారులు సహాయక చర్యలు చేపట్టారు. ఈ ప్రమాదంలో ఇప్పటికి 48 మంది మృతి చెందారని అధికారులు ప్రకటించారు. మృతుల సంఖ్య పెరిగే అవకాశం ఉన్నట్లు తెలుస్తోంది. అగాయ్‌ రహదారి పూర్తిగా మీసివేయడంతో భారీగా ట్రాఫిక్ జామ్ అయ్యింది.
