ఈజిప్ట్ ఈ పేరు వింటే ఎవరికైనా గుర్తుకు వచ్చేది పిరమిడ్. ఆకాశాన్ని తాకేలా అంత ఎత్తున నిర్మించిన పిరమిడ్ లు, వాటిలో ఉండే మమ్మీలకు పెట్టింది పేరు ఈజిప్ట్. కొన్ని వేల సంవత్సరాల చరిత్ర ఉన్న ఈ పిరమిడ్ లు అందులోను మమ్మీల వెనుక చాలా కథలు ప్రాచుర్యంలో ఉన్నాయి. ఈజిప్ట్ లో మతపరమైన ఆచారాల ప్రకారం కొన్ని జంతువులను కూడా బలి ఇచ్చారని ఈ మధ్యనే ఓ అధ్యయనం గుర్తించింది. తాజాగా ఈజిప్ట్ లో ఓ మమ్మీ మొసలిని గుర్తించాడంతో ఈ విషయం వెలుగులోకి వచ్చింది. ఈజిప్ట్ లో గుర్తంచిన మమ్మీ మొసలిని అమెరికాలోని బర్మింగ్‌ హామ్ మ్యూజియం ఆర్ట్ గ్యాలరీలో భద్రపరిచారు.
ఈ మమ్మీ మొసలిని స్కాన్ చేసిన శాస్త్రవేత్తలు దాని పొట్టలో జీర్ణం కాని చేప, చేప హుక్ ను కనుగొని ఆశ్చర్యపోయారు. ఈ మొసలిని వేటాడి పట్టుకొచ్చిన వెంటనే బలి ఇచ్చినట్లు నిర్ధారించారు. పురాతన ఈజిప్టులో మనుషులనే కాకుండా, కొన్ని రకాల జంతువులను సైతం మమ్మిలుగా మార్చేవారని ఆర్కియాలజీ జర్నల్‌ లో పేర్కొన్నారు . ఈ క్రమంలో తాజాగా కనుగొన్న సుమారు మూడు వేల ఏళ్ల నాటి మొసలి మమ్మీ అతి పెద్దదని చెబుతున్నారు. వందల ఏళ్ల క్రితం ఈజిప్టులోని ప్రజలు మొసలి చర్మాన్ని ధరించేవారని అంచనా వేస్తున్నారు. అసలు ఈ మొసలి ఎలా చనిపోయిందో కనుగొనేందుకు యత్నిస్తున్నారు శాస్త్రవేత్తలు. మమ్మీ చేయబడే ముందు మొసలికి ఏం తినిపించారు.. దాని కడుపులో ఇంకా ఆహారం ఎలా మిగిలే ఉంది, అసలు మొసలిని ఎలా చంపారు.. అనే అంశాలపై శాస్త్రవేత్తలు పరిశోధనలు చేస్తున్నారు.
