బన్ని బెయిల్ రద్దు చేయండి.. కోర్టుకు పోలీసులు..?
అల్లు అర్జున్‌కు మరో బిగ్ షాక్ తగలబోతున్నట్లు తెలుస్తోంది. సంధ్య థియేటర్ ఘటనపై ఆయన విలేకరులతో మాట్లాడటాన్ని పోలీసులు సీరియస్‌గా తీసుకున్నారు. ఇప్పటికే పోలీస్‌ వర్గాలు ఆయన్ను టార్గెట్‌ చేసినట్లుగా తెలుస్తోంది. అతని బెయిల్‌ను రద్దు చేయాలంటూ హైకోర్టులో పిటిషన్ దాఖలు చేయనున్నట్లు సమాచారం. దీంతో అల్లు అర్జున్‌కు ఉచ్చు బిగుసుకుంటోంది. ఇటీవలే 4 వారాలపాటు మధ్యంతర బెయిల్‌పై బయటకొచ్చిన ఆయన సంధ్య థియేటర్ ఘటనపై ప్రెస్మీట్ పెట్టడం మరింత దుమారం రేగుతోంది. కేసు కోర్టులో ఉండగానే.. తాను ఏ తప్పూ చేయలేదని, తొక్కిసలాటలో రేవతి అనే మహిళ మృతి చెందిన విషయం కూడా తనకు తెలీదని ప్రెస్ మీట్‌లో చెప్పారు. ఆ మరుసటి రోజు ఆమె చనిపోయిన విషయం తెలిసి షాక్‌కి గురయ్యానన్నారు. ఇదంతా కేసును ప్రభావితం చేసే విధంగా ఉందని పోలీసులు కోర్టులో పిటిషన్ దాఖలు చేయనున్నట్లు విశ్వసనీయ సమాచారం.
నా తప్పేం లేదు
ప్రెస్‌మీట్‌లో బన్నీ మాట్లాడిన తీరును పోలీసులు తమకు అనుకూలంగా మల్చుకుంటున్నారు. సినిమా చూస్తున్న సమయంలో పోలీసులు తన వద్దకు వచ్చి జరిగిన విషయం చెప్పారని అంటున్నారని.. కానీ అందులో ఎలాంటి వాస్తవం లేదని తెలిపారు. తనను పోలీసులు కలవలేదని, తనపై తప్పుడు అలిగేషన్స్ చేస్తున్నారని ఆవేదన చెందారు. తాను అన్ని జాగ్రత్తలు, పర్మిషన్స్ తర్వాతే థియేటర్ వెళ్లానని చెప్పారు. తాను రోడ్ షో చేయలేదన్నారు. ఇక సినిమా చూస్తున్న సమయంలో జనం ఎక్కువయ్యారు వెళ్లిపోవాలని మా టీమ్ చెప్పగానే వెళ్లిపోయానని చెప్పుకొచ్చారు.
హైకోర్టులో బెయిల్ రద్దు పిటిషన్
దీంతో అల్లు అర్జున్ విలేకరులతో మాట్లాడటాన్ని పోలీసులు సీరియస్‌గా తీసుకుంటున్నారు. అతని బెయిల్‌ను రద్దు చేయాలంటూ నేడో, రేపో హైకోర్టులో పిటిషన్ దాఖలు చేయనున్నట్లు టాక్. బెయిల్ నిబంధనలను ఉల్లంఘించి దర్యాప్తును ప్రభావితం చేసేలా ఆయన వ్యాఖ్యలు ఉన్నాయని పోలీసులు భావిస్తున్నారు. మధ్యంతర బెయిల్‌పై ఉన్న సమయంలో ఇలాంటి ప్రెస్‌మీట్లు నిర్వహించడం నిబంధనలకు విరుద్దమని పోలీసులు తప్పు పడుతున్నారు. అల్లు అర్జున్ ప్రెస్ మీట్ పెట్టడం వల్లనే ఇది మరింత ఉదృతం అయినట్లు తెలుస్తోంది. ఈ విషయంలో పోలీసులు సైతం సీరియస్ ఉన్నారు. అసెంబ్లీ సమావేశాల్లో సీఎం రేవంత్ రెడ్డి సంధ్య థియేటర్ ఘటనపై మాట్లాడిన అనంతరం బన్నీ ప్రెస్ మీట్ పెట్టడం దుమారం రేపుతోంది. అదీకాకుండా ఈ కేసు కోర్టులో ఉండగానే బన్నీ బయటకొచ్చి ఇలా ప్రెస్మీట్ పెట్టడంతో దర్యాప్తును ప్రభావితం చేస్తున్నట్లు భావించి పోలీసుల హైకోర్టులో పిటిషన్ దాఖలు చేసేందుకు రెడీ అయ్యారు.
