తెలంగాణ సాయుధ పోరాట యోధురాలు వీరనారి ఐలమ్మ వర్ధంతి సందర్భంగా ముఖ్యమంత్రి రేవంత్ రెడ్డి ట్విట్టర్ వేదికగా ఘన నివాళి అర్పించారు. ఐలమ్మ వీర నారీ అని, పెత్తందార్ల పై విజయభేరి మోగించారని ఆమె పోరాట స్ఫూర్తిని కొనియాడారు.
క్రీడల విశ్వ వేదికగా హైదరాబాద్ మారుతోంది
భవిష్యత్‌లో క్రీడల విశ్వ వేదికగా హైదరాబాద్ మారుతోందని ముఖ్యమంత్రి రేవంత్ రెడ్డి అన్నారు. ఆ దిశగా ప్రజా ప్రభుత్వం చిత్తశుద్ధితో కృషి చేస్తుందని ఆయన చెప్పారు. హైదరాబాద్‌లోని గచ్చిబౌలి స్టేడియంలో జరిగిన ఇంటర్ కాంటినెంటల్ ఫుట్‌బాల్ కప్ ఫైనల్స్‌లో విజేతలైన సిరియా టీంకు సిఎం అభినందలు తెలిపారు. ఇంటర్ కాంటినెంటల్ ఫుట్‌బాల్ మ్యాచ్‌కు హైదరాబాద్ వేదికగా నిలవడం హర్షించదగ్గ విషయమన్నారు. ఈ మేరకు ముఖ్యమంత్రి ట్వీట్ చేశారు.
