తెలంగాణ రాష్ట్రంలో 2024-25 విద్యా సంవత్సరానికి గాను జూన్ 1 నుంచి జూనియర్‌ కాలేజీలు పునఃప్రారంభం కానున్నాయి. ఈ మేరకు తెలంగాణ రాష్ట్ర ఇంటర్మీడియట్ విద్యా మండలి వార్షిక అకడమిక్‌ క్యాలెండర్‌ ను విడుదల చేసింది. వేసవి సెలవుల నేపథ్యంలో రాష్ట్రంలోని అన్ని ప్రభుత్వ, ప్రైవేటు కాలేజీలకు మార్చి 31 నుంచి సెలవులు ప్రకటించిన సంగతి తెలిసిందే.
శుక్రవారంతో సెలవులు ముగియనున్నాయి. దీంతో శనివారం (జూన్ 1) నుంచి జూనియర్‌ కాలేజీల్లో ఇంటర్ ఫస్ట్‌ ఇయర్‌, సెకండ్‌ ఇయర్‌ విద్యార్ధులకు తరగతులు పునఃప్రారంభం కానున్నాయి.
తెలంగాణ ఇంటర్ 2024-25 వార్షిక క్యాలెండర్‌ ముఖ్యమైన తేదీలు ఇవే..
జూనియర్‌ కాలేజీల పునఃప్రారంభ తేదీ: జూన్ 1, 2024.
దసరా సెలవులు: అక్టోబర్‌ 10 నుంచి 13 వరకు
దసరా అనంతరం అక్టోబర్‌ 13 నుంచి తరగతులు ప్రారంభం అవుతాయి
హాప్‌ ఇయర్‌ పరీక్షలు: నవంబర్ 18 నుంచి 23 వరకు
సంక్రాంతి సెలవులు: జనవరి 11, 2025 నుంచి జనవరి 16 వరకు
సంక్రాంతి సెలవుల అనంతరం జనవరి 17 నుంచి తరగతులు ప్రారంభం అవుతాయి
ప్రీ ఫైనల్ పరీక్షలు: జనవరి 20 నుంచి 25 వరకు, 2025.
ప్రాక్టికల్ పరీక్షలు: ఫిబ్రవరి మొదటి వారం, 2025.
థియరీ పరీక్షలు: మార్చి మొదటి వారం 2025 నుంచి ప్రారంభం
2024-25 విద్యా సంవత్సరానికి చివరి పని దినం: మార్చి 29, 2025.
వేసవి సెలవులు: మార్చి 30 నుంచి జూన్ 1, 2025 వరకు
ఇంటర్మీడియట్ అడ్వాన్స్‌డ్‌ సప్లిమెంటరీ పరీక్షలు: మే చివరి వారం 2025
2025-26 విద్యా సంవత్సరానికి జూనియర్‌ కాలేజీల పునఃప్రారంభ తేదీ: జూన్ 2, 2025.
