- క్రికెటర్ అజారొద్దీన్ కు ఈడీ మరోసారి నోటీసులు
- గతంలో ఉప్పల్ పీఎస్ లో నమోదైన ఎఫ్ఐఆర్ ల ఆధారంగా ఈడీ కేసు నమోదు
హైదరాబాద్ క్రికెట్ అసోసియేషన్ (హెచ్‌సీఏ) మాజీ అధ్యక్షుడు, కాంగ్రెస్ నేత అజారుద్దీన్‌కు ఈడీ మరోసారి నోటీసులు జారీ చేసింది. గురువారం విచారణకు హాజరు కావాలని మూడ్రోజుల క్రితం నోటీసులు జారీ చేయగా, హాజరయ్యేందుకు కొంత సమయం కావాలని ఆయన ఈడీని మెయిల్ ద్వారా కోరారు. ఈ మేరకు అక్టోబర్ 8న (మంగళవారం) విచారణకు హాజరు కావాల్సిందిగా ఈడీ మరోసారి నోటీసులు జారీచేసింది.
గతంలో ఉప్పల్ పోలీస్ స్టేషన్లో నమోదైన ఎఫ్‌ఐఆర్ల ఆధారంగా ఈడీ మరో కేసు నమోదు చేసింది. ఉప్పల్ స్టేడియంలో క్రికెట్ బాల్స్, జిమ్‌ పరికరాలు, ఫైర్ కిట్లు, ఇతర సామగ్రి కొనుగోలు లాంటి పలు చెల్లింపుల్లో అవకతవకలకు పాల్పడ్డారనే అరోపణలపై ఈడీ విచారణ చేస్తోంది. అజారుద్దీన్తో పాటు మరో ఇద్దరికి కూడా నోటీసులు జారీ చేసినట్లు తెలుస్తోంది.
