కాంగ్రెస్‌ పార్టీకి మాజీ ఎమ్మెల్యే కోనేరు కోనప్ప రాజీనామా చేశారు. సిర్పూర్ నేతల మధ్య గొడవలతో కాంగ్రెస్‌కు దూరంగా ఉండాలని కోనప్ప నిర్ణయం తీసుకున్నారు. ఈ మేరకు రాజీనామా లేఖను టీపీసీసీ చీఫ్‌కు పంపించారు. ప్రస్తుతం ఏ పార్టీలో చేరనని, స్వతంత్రంగా ఉంటానని కోనప్ప ప్రకటించారు. అంతేకాకుండా గ్రాడ్యుయేట్ ఎమ్మెల్సీ ఎన్నికల్లో బీఎస్పీ అభ్యర్థి ప్రసన్నకు మద్దతు ఇస్తున్నట్లు కోనప్ప ప్రకటించారు. గతేడాది మార్చి 6న సీఎం రేవంత్ రెడ్డి సమక్షంలో బీఆర్‌ఎస్‌ నుంచి ఆయన కాంగ్రెస్‌లో చేరారు. పార్టీలో విభేదాల కారణంగా ఇప్పుడు రాజీనామా చేశారు.
