వనపర్తి ఎక్సైజ్ సూపరింటెండెంట్ ప్రభు వినయ్ ను సస్పెండ్ చేస్తూ ఎక్సైజ్ కమిషనర్ శ్రీధర్ బుధవారం ఉత్తర్వులు జారీ చేశారు. ప్రభు వినయ్ కుమార్ గత 4 నెలల నుంచి విధులకు హాజరు కాకుండా, హాజరు రిజిస్టర్ మరియు ఫైళ్లను ఇంటివద్దకే తెప్పించుకుని సంతకాలు చేస్తూ జీతం తీసుకుంటున్నాడని, సర్వీస్ రిజిస్టరులో పుట్టినతేదీ మార్చుకుని, చట్టవిరుద్ధంగా సర్వీస్ పొడిగించుకోవటంతో పాటు సీనియారిటీ లిస్టులో అక్రమాలకు పాల్పడ్డారని బీజీ పొలిటికల్ జేఏసీ చైర్మన్ రాచాల యుగంధర్ గౌడ్ ఇటీవ‌ల వ‌రుస‌గా ఫిర్యాదులు చేశారు. వనపర్తి జిల్లా కలెక్టర్ తో పాటుగా ఎక్సైజ్ కమిషనర్, ప్రిన్సిపల్ సెక్రెటరీకి ఫిర్యాదు చేశారు. దీంతో ప్రభు వినయ్ అవినీతి అక్రమాలపై అక్రమాలపై విచారణ జరిపిన అధికారులు బుధవారం సస్పెండ్ చేశారు.
