బిఆర్ఎస్ ప్రభుత్వం బెట్టింగ్ యాప్స్ బ్యాన్ చేస్తూ వొచ్చింది. కానీ, కాంగ్రెస్ ప్రభుత్వం 15 నెలల పాలనలో బెట్టింగ్ యాప్స్ ని కంట్రోల్ చేయడంలో విఫలమైంది. రాష్ట్రంలో ప్రతి మూడు గంటలకు ఒక అత్యాచారం, ఆరు గంటలకు ఒక హత్య జరగుతున్నది. లా అండ్ ఆర్డర్ మెయిన్ టైన్ చేయడంలో ప్రభుత్వం ముఖ్యమంత్రి ఫెయిలయ్యారు.
డిజిపి అధికారికంగా విడుదల చేసిన లెక్కల ప్రకారం గత సంవత్సరం కంటే 23% క్రైమ్ రేటు పెరిగింది అని చెప్పారు. 15 నెలల పాలనలో 9 కమ్యూనల్ రైట్స్ అయ్యాయి. ముఖ్యమంత్రిగా, హోంమంత్రిగా రేవంత్ రెడ్డి ఫెయిల్ అయ్యాడు. ఈ విషయాన్ని డీజీపీ ప్రకటించారు. నిన్న ఒక రోజు హైదరాబాద్ లో రెండు అత్యాచార ఘటనలు రెండు హత్యలు జరిగాయి. హైదరాబాద్ లో 50% సీసీ కెమెరాలు పనిచేయడం లేదు.
పెట్టిన సీసీ కెమెరాలును మెయింటైన్ చేయడంలో ఫెయిల్ అయ్యారు. పోలీసులకు ఆత్యాధునిక వాహనాలు మేం కొనిస్తే మీరు డీజిల్ పోయించే పరిస్థితిలో కూడా లేరు. పోలీస్ చరిత్రలో పోలీసు కుటుంబాలను పోలీసుల చేత అరెస్టు చేయించిన ఘనుడు సీఎం రేవంత్ రెడ్డి అని హరీష్ రావు విమర్శించారు. అమనగల్ లో ముఖ్యమంత్రి భూముల కోసం నాలుగు లైన్ల రోడ్లు రింగ్ రోడ్డు, రీజనల్ రింగ్ రోడ్ ఉండగా మరో రోడ్డు ఎందుకు?.
5000 కోట్లు ఖర్చుపెట్టి 10 లైన్ల రోడ్డు ఎందుకు అని ప్రశ్నించారు. ఉద్యోగులకు పెన్షనర్లకు ఇవ్వడానికి డబ్బులు లేవని చెబుతూనే 5000 కోట్లతో అత్తగారి ఊరికి రోడ్లు వేస్తారా?. అని ఎద్దేవా చేశారు. గచ్చిబౌలిలోని 400 ఎకరాలను బీఆర్ఎస్ ప్రభుత్వం కోట్లాడి కాపాడింది.. మీరు అధికారంలోకి వొచ్చాక కోర్టు తీర్పు వొచ్చింది. కోర్టులో కోట్లాదిమంది మాత్రం బీఆర్ఎస్. పార్టీ మారిన ఎమ్మెల్యేలు వాపస్ పోతారనీ డౌట్ వొచ్చిందేమో, అందుకు ఉప ఎన్నికలు రావని అసెంబ్లీ సాక్షిగా ముఖ్యమంత్రి మాట్లాడారని హరీష్ రావు అన్నారు. గ్రోక్ ఏఐని బెస్ట్ సిఎం ఎవరు అని అడిగితే కేసీఆర్ అని చెబుతోందని హరీష్ రావు పేర్కొన్నారు.
