ఆగిన చిట్టి గుండె
ఖమ్మం: నాలుగేళ్ల చిన్నారి చిట్టి గుండె ఆగి పోయింది. ఆసుపత్రికి తరలిస్తుండగానే గుండె పోటుతో ప్రాణం విడిచింది. ఖమ్మం రూరల్ మండలంలోని ఎం వెంకటాయ పాలెంలో మంగళ వారం చోటు చేసుకున్న ఈ ఘటనతో గ్రామంలో విషాధ ఛాయాలు అలుముకున్నాయి. కుర్రా వినోద్, లావణ్య దంపతులకు ఒక్కగా నొక్క కూతురు హర్షిత. ఓ ప్రైవేటు పాటశాలలో నర్సరీ చదువుతోంది.
ఇంటి ఆవరణలో ఆడుకుంటూ గుండె నొప్పంటూ ఒక్క సారిగా అక్కడే కుప్పకూలి పోయింది. తల్లిదండ్రులు హుటా హుటిన హర్షితను ఖమ్మం ఆసుపత్రికి తరలించారు. కానీ, ఆ చిన్నారి అప్పటికే ప్రాణాలు కోల్పోయింది. హర్షిత మృతి చెందిందని వైద్యులు ధృవీకరించడంతో తల్లి దండ్రులు కన్నీరు మున్నీరుగా విలపించారు. ఒక్కగానొక్క కూతురు కళ్ల ముందే ప్రాణాలు కోల్పోవడాన్ని తట్టుకో లేక పోయారు. హర్షిత మృతితో గ్రామంలో విషాధ ఛాయలు అలుముకున్నాయి.
