-వరుసగా సినిమాలు చేస్తా
– కొచ్చిలో మలయాళంలో అభిమానులకు ఐకాన్‌స్టార్‌ మాట
స్టైలిష్‌స్టార్‌.. ఐకాన్‌స్టార్‌..పుష్పరాజ్‌ ఇలా రకరకాల పేర్లతో పిలుస్తూ తమ అభిమానాన్ని చాటున్నారు అల్లుఅర్జున్‌పై సినీ ప్రేక్షకులు. ప్రస్తుతం దేశమంతటా ఎక్కడ చూసినా పుష్ప ఫీవర్‌. పుష్ప సెకండ్‌ పార్ట్‌ ఎప్పుడెప్పుడు వచ్చుద్దా అని తెగ ఆత్రుతగా ఎదురు చూస్కతున్నారు. 2021 వరకూ ఏడాదికి ఒక సినిమా మాత్రమే చేస్తూ వచ్చారు. 2021 డిసెంబర్‌లో విడుదలైన పుష్ప మూవీ ఘన విజయాన్ని అందుకుంది. అల్లు అర్జున్ చిత్రాలకు అన్ని భాషల్లోనూ మంచి డిమాండ్ ఉంది.
దాదాపు మూడేళ్ల గ్యాప్ తర్వాత అల్లు అర్జున్ పుష్ప -2 గ్రాండ్ రిలీజ్ కాబోతున్నది. అల్లు అర్జున్ సినిమాల కోసం అభిమానులు ఎంతో ఆసక్తితో ఎదురుచూసే పరిస్థితి నెలకొంది. ఈ నేపథ్యంలో ఇకపై ఎక్కువ విరామం లేకుండా వరుస సినిమాలు చేస్తానని అల్లు అర్జున్ ప్రకటించి అభిమానులను ఖుషీ చేశారు. తాజాగా కొచ్చిలో నిర్వహించిన పుష్ప 2 ఈవెంట్‌లో ఆయన మాట్లాడుతూ ఈ మేరకు మాటిచ్చాడు. పుష్ప 2 మూవీ డిసెంబర్ 5న విడుదల కానుండగా, చిత్ర యూనిట్ పలు ప్రముఖ నగరాల్లో ప్రీరిలీజ్‌ ఈవెంట్‌లను చేస్తున్నారు.
