టీఎస్ న్యూస్ : ఉద్యోగాల భర్తీ ప్రక్రియను ప్రభుత్వం వేగవంతం చేసింది. ఇప్పటికే పెండింగ్లో ఉన్న పోస్టులను క్లియర్ చేస్తున్నది. కొత్త పోస్టులను అదనంగా కలుపుతున్నది. ఇటీవల 60 పోస్టులను కలిపి 563 పోస్టలతో గ్రూప్–1 నోటిఫికేషన్ విడుదల చేసిన విషయం తెలిసిందే. గ్రూప్–1 కు దరఖాస్తుల ప్రక్రియ మొదలైంది. కాగా, జూన్9న గ్రూప్–1 ప్రిలిమ్స్ పరీక్షను నిర్వహిస్తున్నట్లు టీఎస్పీఎస్సీ ప్రకటించింది. ఈ మేరకు సోమవారం నోట్ విడుదల చేసింది. ప్రిలిమినరీ పరీక్షను జూన్ 9న నిర్వహిస్తున్నట్లు వెల్లడించింది.
ప్రిలిమ్స్ తర్వాత ఆక్టోబర్లో మెయిన్స్ ఉండే అవకాశాలున్నాయి.అయితే, గ్రూప్–1 ప్రిలిమ్స్ జూన్ 9న నిర్వహిస్తుండటంతో.. గ్రూప్–2,3 పరీక్షలను కూడా ఆగస్టులోగా నిర్వహించాలని నిర్ణయం తీసుకున్నట్లు సమాచారం. పేపర్ల లీకేజీ కారణంగా ఈ పరీక్షలన్నీ వాయిదా పడ్డాయి. నిర్వహించిన పరీక్షలు రద్దు అయ్యాయి. ఇప్పుడు అలాంటి సమస్యలు ఉత్పన్నం కాకుండా చర్యలు తీసుకుంటున్నారు.
