టాలీవుడ్ సీనియర్ హీరో నాగార్జున ఖైరతాబాద్ ఆర్టీఏ కార్యాలయంలో సందడి చేశారు. కొత్త కారు రిజిస్ట్రేషన్ కోసం నాగార్జున ఆర్టీఏ ఆఫీస్‌కు ఆయన గురువారం వచ్చారు. అభిమానులు, కార్యాలయ సిబ్బంది నాగార్జునతో సెల్ఫీలు, ఫొటోలు దిగేందుకు పోటీ పడ్డారు. తన కొత్త కారు టిజి 9 జిటి/ఆర్ 4874 గల టయోటా లెక్సస్ వెహికిల్ రిజిస్ట్రేషన్ కోసం ఖైరతాబాద్ ఆర్టీఏ కార్యాలయానికి హీరో నాగార్జున వచ్చారు.
కారు రిజిస్ట్రేషన్ సంబంధించిన ప్రక్రియలో భాగంగా నాగార్జున ఫొటో దిగారు. రిజిస్ట్రేషన్ ప్రక్రియ ముగియగానే నాగార్జున తిరిగి వెళ్లిపోయారు. ఈ సందర్భంగా ఆర్టీఓ అధికారి నాగార్జునతో ఎలక్ట్రికల్ వాహనాలకు ప్రభుత్వం అందిస్తున్న రాయితీలను వివరించగా, ప్రభుత్వం మంచి నిర్ణయం తీసుకుందని ఆయన కితాబునిచ్చారు.
