బాలీవుడ్ స్టార్ సల్మాన్ ఖాన్ కు లారెన్స్ బిష్ణోయ్ గ్యాంగ్ నుండి బెదిరింపులు వస్తున్న విషయం తెలిసిందే. ఈ నేపథ్యంలోనే కొంతకాలం సినిమా షూటింగ్ లకు దూరంగా ఉన్న సల్మాన్ ఇటీవలే షూటింగ్స్ కి హాజరవుతున్నారు. ఆయన సెక్యూరిటీని కూడా పెంచారు. అయితే ప్రస్తుతం సల్మాన్ దర్శకుడు ఏఆర్ మురుగదాస్ తో సికందర్ అనే సినిమా చేస్తున్న విషయం తెలిసిందే. ఈ సినిమాలో నేషనల్ క్రష్ రష్మిక మందన్నా హీరోయిన్ గా నటిస్తున్నారు.
ఇదిలా ఉంటే.. తాజాగా హీరోయిన్ రష్మిక సెక్యూరిటీని కూడా డబుల్ చేశారు మూవీ టీమ్. కారణం ఏంటంటే.. ఆమె ప్రస్తుతం సల్మాన్ ఖాన్ తో సినిమా చేస్తుండటమే. సల్మాన్ ఖాన్ షూట్ కి రావడంతో మూవీ సెట్ల చుట్టూ భద్రత పెంచాలని టీమ్ నిర్ణయించుకున్నారు. సల్మాన్ ఇప్పటికే తన భద్రతను పెంచుకున్న విషయం తెలిసిందే. అంతేకాదు.. అత్యాధునిక భద్రతా ఫీచర్లు కలిగిన కొత్త కారును కొనుగోలు చేశాడు. మరోపక్క హీరోయిన్ రష్మికతో సహా పలువురు నటీనటులను కూడా “సికందర్” టీమ్ అదనపు సెక్యూరిటీని మోహరించింది. దీంతో ఆ నటీనటులు సికందర్ సెట్స్ కి రావడనికి భాయపడుతున్నారని టాక్. ప్రస్తుతం ఈ న్యూస్ బీ టౌన్ లో హాట్ టాపిక్ గా మారింది.
రష్మికకు సెక్యూరిటీ పెంపు
