రూ.45,500 కోట్లతో భారీ ఒప్పందం

తెలంగాణలో భారీ పంప్డ్ స్టోరేజీ పవర్, సోలార్ పవర్ ప్రాజెక్టు
దావోస్ వేదిక‌గా తెలంగాణ‌తో అతిపెద్ద డీల్‌..
‘ట్రిలియన్ ట్రీ ఉద్యమంలో  భాగ‌స్వాముల‌మ‌వుతాం..
ప్ర‌తిజ్ఞ చేసిన సీఎం రేవంత్ రెడ్డి, మంత్రి శ్రీధ‌ర్‌బాబు
ప్రతి అంశంలోనూ నెట్ జీరో విధానాలు పాటిస్తున్నామ‌ని ప్ర‌క‌ట‌న‌

దావోస్ వరల్డ్ ఎకనమిక్ ఫోరమ్ సదస్సులో తెలంగాణ ప్రభుత్వం మరో భారీ పెట్టుబడిని సాధించింది. సన్ పెట్రో కెమికల్స్ సంస్థ రాష్ట్రంలో రూ.45,500 కోట్ల పెట్టుబడుల ఒప్పందంపై సంతకం చేసింది. ఇందులో భాగంగా రాష్ట్రంలో భారీ పంప్డ్ స్టోరేజ్ జల విద్యుత్‌, సౌర విద్యుత్ ప్రాజెక్టులను ఈ సంస్థ ఏర్పాటు చేయనుంది ఈ ఒప్పందంతో దాదాపు 7,000 మందికి ఉద్యోగాలు లభిస్తాయి. నాగర్ కర్నూల్, మంచిర్యాల, ములుగు ప్రాంతాల్లో ఈ ప్రాజెక్టులు నెలకొల్పనుంది. ఇప్పటి వరకు దావోస్ వేదికగా తెలంగాణ ప్రభుత్వం చేసుకున్న భారీ ఒప్పందం ఇదే కావ‌డం గ‌మ‌నార్హం.