నాకు ఏ రాజకీయ పార్టీతో సంబంధం లేదు
తెలుగు కమేడియన్, సీనియర్ నటుడు అలీ రాజకీయ రంగం నుంచి తప్పుకున్నారు. ప్రస్తుతం తాను ఏ రాజకీయ పార్టీలో లేనని ఆలీ ప్రకటించారు. ఈ మేరకు ప్రత్యేకంగా వీడియో విడుదల చేశారు ఆలీ. నిర్మాత డి.రామానాయుడు కోసం టీడపీ హయాంలో 1999లో రాజకీయాల్లో అడుగుపెట్టా.. ఆ తర్వాత పార్టీ మారా.. ఎప్పుడూ ఎవరినీ వ్యక్తిగతంగా విమర్శించలేదు.. పది మందికి సాయపడటం కోసమే రాజకీయాల్లోకి వచ్చా.. ప్రస్తుతం నేను ఏ పార్టీ మనిషిని కాదు.. అంటూ నటుడు అలీ ఓ వీడియోను సోషల్ మీడియాలో పోస్ట్ చేశారు.
కొంత కాలంగా ఆలీ వైసీపీకి మద్దతుగా పనిచేయడంతో పాటు మొన్న జరిగిన అసెంబ్లీ ఎన్నికల్లో వైసీపీకి మద్దతుగా ప్రచారం నిర్వహించారు. అసెంబ్లీ ఎన్నికల్లో వైసీపీ ఓటమిపాలై.. టీడీపీ కూటమి అధికారంలోకి రావడంతో ఆలీ ఈ నిర్ణయం తీసుకున్నట్లు తెలుస్తోంది. ఆలీపై తమకు వ్యక్తిగతంగా ఎటువంటి కోపం లేదని ఇటీవలే డిప్యూటీ సీఎం పవన్ కళ్యాణ్ చెప్పిన సంగతి తెలిసిందే.
