నా కుమారుడి వివాహానికి రండి

సిఎం రేవంత్‌రెడ్డిని ఆహ్వానించిన కాసాని జ్ఞానేశ్వర్
బిఆర్‌ఎస్ నాయకుడు కాసాని జ్ఞానేశ్వర్ సిఎం రేవంత్ రెడ్డిని కుటుంబసమేతంగా బుధవారం వెళ్లి కలిశారు. తన కుమారుడి వివాహానికి రావాలంటూ రేవంత్ రెడ్డిని ఆహ్వానించారు. ఈ సమావేశంలో ఎలాంటి రాజకీయ విషయాలు చర్చకు రాలేదని కాసాని బయటకు వచ్చిన అనంతరం చెప్పినా ఆయన కాంగ్రెస్‌లో చేరబోతున్నారని, అందుకే తన కుమారుడి వివాహానికి హాజరు కావాలని రేవంత్ రెడ్డిని ఆహ్వానించారని సోషల్ మీడియాలో పెద్ద ఎత్తున ప్రచారం జరగడం విశేషం.