విజయవాడ ట్రాఫిక్ పోలీసులు ఆశ్చర్యపోయే ఘటన ఒకటి చోటు చేసుకుంది. ఇంతకీ ఏమిటంటే… ట్రాఫిక్ పోలీసులు విధి నిర్వహణలో ఉండగా..ట్రిపుల్‌ రైడింగ్‌ని గమనించి బండిని ఆపారు పోలీసులు. అయితే ఆ బండి నెంబర్‌ ప్లేటుపై నెంబరుకు బదులుగా మాఫియా అని రాసి ఉంది.
ఈ నెంబరు ప్లేటు ఏంది తమ్ముడూ… ఇన్సూర్డ్ బై మాఫియా అని రాసి ఉందేంట్రా. ఇదేం నెంబరు ప్లేటురా…. నేనెప్పుడూ చూడలేదు… కొత్తగా ఉంది ట్రాఫిక్ పోలీసు ఆశ్చర్యం వ్యక్తం చేశాడు. మాఫియా ఏందిరా… ఏ మాఫియారా మీరు… అంటూ ప్రశ్నించారు. అంతేకాదు, బైక్ సైలెన్సర్ ను కూడా మోడిఫై చేసి ఉండడం గుర్తించారు.
కాగా, ఆ బైక్ ను ఇటీవలే వేరే వ్యక్తి నుంచి కొనుగోలు చేశానని, అయితే నెంబరు ప్లేటును మార్చకుండా అలాగే ఉంచానని సదరు బైకర్ వెల్లడించాడు. దాంతో, ట్రాఫిక్ పోలీసులు అప్పటికప్పుడు ఆ కుర్రాడ్ని ఇంటికి పంపించి నెంబరు ప్లేటు తెప్పించి, అక్కడే రోడ్డుపైనే బండికి బిగించారు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్ అవుతోంది.
