పవర్‌స్టార్‌ పవన్‌కళ్యాణ్‌ రాజకీయాల్లో చురుగ్గా ఉంటూనే ఓ పక్క సినిమాలను కూడా అంతే చురుగ్గా చేస్తున్నారు. ప్రస్తుతం `హ‌రిహ‌ర వీర‌మ‌ల్లు`..`ఓజీ` సినిమాలు ఆన్ సెట్స్ లో ఉన్న సంగ‌తి తెలిసిందే. రెండు చిత్రాల షూటింగ్ కూడా ముగింపు ద‌శ‌లోనే ఉన్నాయి. ప‌వ‌న్ క‌ళ్యాణ్ కి సమ‌యం దొరికి స‌వ్యంగా డేట్లు కేటాయించి ఉంటే? ఇప్పటికే వాటి షూటింగ్ కూడా పూర్త‌య్యేది. కానీ రాజకీయం-సినిమా అనే రెండు ప‌డ‌వ‌ల ప్ర‌యాణ నేప‌ధ్యంలో ఎంత వేగంగా పూర్తి చేయాలి? అన్న సాధ్య‌ప‌డ‌టం లేదు. జ‌న‌వ‌రి ముగింపుకు రెండు సినిమా షూటింగ్ పూర్త‌వుతుంద‌ని స‌మాచారం. ప‌వ‌న్ క‌ల్యాణ్ పోర్ష‌న్ మొత్తం పూర్త‌వుతుందన్న‌ది తాజా అప్ డేట్. `హ‌రిహ‌ర వీర‌మ‌ల్లు`కు సంబంధించి ప‌వ‌న్ నాలుగు నుంచి ఐదు రోజులు గ్యాప్ లేకుండా డేట్లు ఇస్తే చాలా ముగించ‌డానికి రెడీగా ఉంది టీమ్. అందుకు త‌గ్గ‌ట్టు ప‌వ‌న్ డేట్లు ఇచ్చిన‌ట్లు తెలుస్తోంది. దీంతో ప‌వ‌న్ పోర్ష‌న్ పూర్త‌వుతుంది. ఇక `ఓజీ` సినిమా కోసం 15 రోజులు కేటాయిస్తే చాలు ముగించ‌డానికి సుజిత్ రెడీగా ఉన్నాడు. అందుకు త‌గ్గ‌ట్టే ప‌వ‌న్ డేట్లు కేటాయించిన‌ట్లు స‌మాచారం. జ‌న‌వ‌రి నుంచి ప‌వ‌న్ `ఓజీ` షూటింగ్ లో పాల్గొంటార‌ని స‌మాచారం. దీంతో ఓజీకి సంబంధించి ప‌వ‌న్ పోర్ష‌న్ మొత్తం కంప్లీట్ అవుతుంది. అంటే జ‌న‌వ‌రి చివ‌రిక‌ల్లా వీర‌మ‌ల్లు..ఓజీ ల ప‌వ‌న్ పోర్ష‌న్ మేక‌ర్స్ పూర్తి చేయ‌నున్నారు.
పవన్‌కి న్యూయర్‌ స్టార్టింగ్‌లోనే ఎండ్‌ కార్డా?
