లోక్ సభ ప్రతిపక్ష నేత, కాంగ్రెస్ పార్టీ నాయకుడు రాహూల్ గాంధీ అమెరికాలో పర్యటిస్తున్నారు. ఈనెల 8న డల్లాస్‌ చేరుకున్న రాహూల్.. టెక్సాస్ యూనివర్సిటీలో విధ్యార్ధులను ఉద్దేశించి మాట్లాడారు. ఈ సందర్బంగా రాహూల్ గాంధీ చైనాపై పరోక్షంగా ప్రశంసలు గుప్పించడం చర్వత్రా చర్చనీయాంశమవుతోంది. భారత్, అమెరికాతో పాటు కొన్ని పశ్చిమ దేశాలను నిరుద్యోగ సమస్య వేధిస్తున్నప్పటికీ.. చైనాలో మాత్రం ఆ ఇబ్బంది లేదని రాహుల్‌ గాంధీ అన్నారు. ప్రపంచ వ్యాప్తంగా ఉత్పత్తి రంగంలో చైనా ఆధిపత్యం చలాయిస్తోందని చెప్పుకొచ్చారు.
మొత్తం మూడు రోజుల పర్యటన కోసం రాహూల్ గాంధీ అమెరికాకు వెళ్లారు. ఈ క్రమంలోనే టెక్సాస్ యూనివర్సిటీతో పాటు పలువురు ఎన్ఆర్ఐలతో ఇష్టాగోష్టిగా మాట్లాడారు రాహూల్. సెప్టెంబర్ 9 మరియు 10వ తేదీలలో వాషింగ్టన్ డీసీలో పర్యటిస్తారు. అక్కడ థింక్ ట్యాంక్‌లు, నేషనల్ ప్రెస్ క్లబ్ మరియు ఇతరులతో సహా వివిధ రంగాల ప్రముఖులతో భేటీ కానున్నారు. ఈ మేరకు రాహూల్ గాంధీ పర్యటనకు సంబందించి ఓవర్సీస్ కాంగ్రెస్ విస్తృతమైన ఏర్పాట్లు చేసింది. వాషింగ్టన్ లో ప్రత్యేకంగా ప్రవాస భారతీయులతో సమావేశం కానున్నారు రాహూల్ గాంధి.
