మరో ఐదు రోజులు వర్షాలే
టీఎస్ న్యూస్ : తెలంగాణలో వచ్చే ఐదు రోజుల పాటు తేలికపాటి వర్షాలు కురిసే అవకాశం ఉందని వాతావరణ శాఖ తెలిపింది. ఉరుములు, మెరుపులతో కూడిన వర్షాలు పడే అవకాశం ఉందని పేర్కొంది. ఈ మేరకు పలు జిల్లాల్లో ఎల్లో అలర్ట్‌ జారీ చేసింది. మధ్య మహారాష్ట్ర దగ్గర ఆవర్తనం కేంద్రీకృతమైందని తెలిపింది.
దీని వల్ల గంటకు 30-40 కిలో మీటర్ల వేగంతో ఈదురు గాలులు వీచే అవకాశం ఉందని చెప్పింది. ఈదురు గాలుల కారణంగా మరో ఐదు రోజుల పాటు రాష్ట్రంలో ఉష్ణోగ్రతలు తక్కువగా ఉంటాయని పేర్కొంది.
ఈ ఏడాది సమయానికై నైరుతి రుతు పవనాలు వస్తాయని స్కైమెట్‌ అంచనా వేసింది. జూన్‌ నుంచి సెప్టెంబర్‌ మధ్యలో సాధారణ వర్షపాతం నమోదవుతుందని తెలిపింది. దక్షిణాది పాటు పశ్చిమ, నైరుతి లోనూ సమృద్ధిగా వర్షాలు పడతాయని తెలిపింది.
