టీఎస్ న్యూస్: బీఆర్ఎస్ప్రభుత్వ హయాంలో ఒకవర్గం వేళ్లూనుకుని కూర్చుంటే.. కాంగ్రెస్పాలనలో రెడ్డి వర్గం వంతు మొదలైంది. ప్రస్తుతం సీఎంఓలో నియమితులైన పలువురు అధికారుల పేర్లు ఇప్పుడు వైరల్గా మారుతున్నాయి. కేవలం ఒక వర్గానికి మాత్రమే రేవంత్రెడ్డి ఆధిపత్యం చెలాయించే అధికారాలు కట్టబెడుతున్నట్లు సొంత పార్టీలోనే మండిపడుతున్నారు. కాంగ్రెస్పార్టీలోని కొంతమంది ఇప్పుడు రెడ్డి అధికారుల జాబితాను బయటకు విడుదల చేశారు.
మహేందర్రెడ్డికి పదవితో బద్నాం
టీఎస్పీఎస్సీ చైర్మన్గా మాజీ డీజీపీ మహేందర్రెడ్డిని ఖరారు చేయడంతో రేవంత్రెడ్డిపై విమర్శలు పెరిగాయి. డీజీపీ మహేందర్రెడ్డిపై ఒక దశలో టీపీసీసీ చీఫ్గా ఉన్న రేవంత్రెడ్డి తీవ్రస్థాయిలో ధ్వజమెత్తారు. మహేందర్రెడ్డికి సిగ్గు, శరం ఉంటే రాజీనామా చేయాలని, ఇంతకంటే హీనమైన బతుకు ఎందుకని ప్రశ్నించారు. కానీ, ఇప్పుడు మహేందర్రెడ్డికి కీలకమైన టీఎస్పీఎస్పీ పగ్గాలు అప్పగించారు. దీంతో ఇప్పటి వరకు రేవంత్ కు సపోర్ట్గా ఉన్న పలువురు ఒక్కసారిగా షాక్ తిన్నారు. నిజానికి, ఈ పోస్టును రిటైర్డ్ ఐఏఎస్ ఆకునూరి మురళికి ఇస్తారని భావించారు. కానీ, ఆయన సామాజికవర్గం నాన్ రెడ్డి కావడంతోనే పక్కన పెట్టారనే విమర్శలు వస్తున్నాయి.
కీలక శాఖల్లో వీరే
ప్రస్తుతం సీఎం రేవంత్రెడ్డి ఉండగా.. కిందిస్థాయిలో కూడా రెడ్డి వర్గీయుల హవా మొదలైంది. సీఎం సెక్రెటరీ జి. చంద్రశేఖర రెడ్డి, సీఎం ఓఎస్డీ అజిత్రెడ్డి, సీఎస్ఓ గుమ్మి చక్రవర్తి రెడ్డి, సీపీఆర్వో అయోధ్య రెడ్డి, సీఎం ఇంటలీజెన్సీ చీఫ్ శివధర్ రెడ్డి, అడ్వకేట్ జనరల్ సుదర్శన్ రెడ్డి, అడిషనల్ అడ్వకేట్ జనరల్ రజనీకాంత్ రెడ్డి, హైదరాబాద్ సీపీ శ్రీనివాస్రెడ్డి, సీఎం వ్యక్తిగత సహాయకుడు జైపాల్రెడ్డి, సీఎం సలహాదారుడు వేం నరేందర్రెడ్డి, టీఎస్పీఎస్సీ చైర్మన్ మహేందర్రెడ్డి, గవర్నర్ కోటా ఎమ్మెల్సీ కోదండరాం రెడ్డి పేర్లు ఇప్పుడు వివాదంగా మారుతున్నాయి.
