లోక్సభ పోరుకు కాంగ్రెస్ తొలి టికెట్
పాలమూరు ఎంపీ అభ్యర్థిగా వంశీచంద్రెడ్డి
టీఎస్, న్యూస్:
వచ్చే పార్లమెంట్ ఎన్నికలకు రాష్ట్రంలో కాంగ్రెస్ పార్టీ తొలి అభ్యర్థిని ప్రకటించింది. కొడంగల్ పర్యటనలో ఉన్న సీఎం రేవంత్రెడ్డి.. తాజాగా ఈ ప్రకటన చేశారు. బుధవారం రాత్రి అక్కడ బహిరంగ సభలో మాట్లాడుతూ మహబూబ్నగర్ పార్లమెంట్స్థానం నుంచి వంశీచంద్ రెడ్డి పేరును ప్రకటించారు. వచ్చే లోక్సభ ఎన్నికల్లో ఆయన అక్కడి నుంచి పోటీ చేస్తున్నట్లు చెప్పారు. వంశీచంద్ గత అసెంబ్లీ ఎన్నికల్లో కొల్లాపూర్ టికెట్ను ఆశించారు. కానీ, మంత్రి జూపల్లి చేరికతో.. వంశీకి బ్రేక్ పడింది. దీంతో ఆయనకు పార్లమెంట్ ఎన్నికల్లో టికెట్ ఖరారు చేసినట్లు సీఎం రేవంత్ ప్రకటించారు. ఇప్పటికే వంశీచంద్ కూడా ఈ సెగ్మెంట్లో ప్రచారం సైతం మొదలుపెట్టారు.
