బాలీవుడ్ అంతా ఎక్కడ చూసినా ‘రామాయణం’గోలే. ఈ విషయం అందరికీ తెలిసిందే. ఈ చిత్రం ప్రేక్షకుల ముందుకు వస్తుందా అని ఎంతో ఆశక్తిగా ప్రేక్షకులంతా కూడా ఎదురుచూస్తున్నారు. ఇక శ్రీరాముడి పాత్రలో రణబీర్ కపూర్ నటిస్తుండగా సీత పాత్రలో సాయిపల్లవి నటిస్తోంది. గత కొంత కాలంగా ‘రామాయణం’ షూటింగ్ మొదలైంది. షూటింగ్ సెట్స్ నుండి కొన్ని ఫోటోలు కూడా లీక్ అయ్యాయి. ఈ ఫొటోల్లో రణబీర్, సాయి పల్లవి అద్భుతంగా కనిపిస్తున్నారు. ఈ ఫోటోలు సోషల్ మీడియాలో తెగ వైరల్ కూడా అయ్యాయి. ఈ సినిమా ఖచ్చితంగా సంచలన విజయం సాదిస్తుందని ప్రేక్షకులు అంటున్నారు. ఇదిలా ఉంటే ఇప్పుడు ఈ సినిమాకు ఉహించని సమస్య ఎదురైంది.
ఒక రకంగా చెప్పాలంటే ఇది నిజంగా అభిమానులకి ఆశ్చర్యం కలిగించే వార్తే.. రామాయణం షూటింగ్ ఆగిపోయిందని తెలుస్తోంది రామాయణం మూవీ నిర్మాత కాపీరైట్ నిబంధనను ఉల్లంఘించడమే దీనికి కారణమని అంటున్నారు. ‘రామాయణం’ చిత్రానికి నితేష్ తివారీ దర్శకత్వం వహిస్తున్నారు. కొద్ది రోజుల క్రితం ‘అల్లు మంతెన మీడియా వెంచర్స్ ఎల్‌ఎల్‌పి’ సంస్థ ఈ చిత్ర బృందానికి నోటీసు పంపింది. దాని ప్రకారం ఈ సంస్థతో చేసుకున్న ఒప్పందం ప్రకారం ‘రామాయణం’ సినిమా నిర్మాతలు స్క్రిప్ట్‌కి సంబంధించిన కొన్ని హక్కులను కొనుగోలు చేశారు. ప్రక్రియ పూర్తి కాకపోవడంతో నోటీసు పంపారు.
‘రామాయణం’ చిత్రబృందానికి నోటీసు వచ్చిన తర్వాత కూడా కొన్ని రోజులు షూటింగ్ చేశారు. అయితే గత వారం నుంచి మూవీ షూటింగ్ ఆగిపోయిందని తెలుస్తోంది. లీగల్ ఇష్యుస్ పరిష్కారమైన తర్వాతే షూటింగ్ కొనసాగించాలని మేకర్స్ నిర్ణయించుకున్నట్లు బాలీవుడ్ లో టాక్ వినిపిస్తుంది. రామాయణం సినిమాలో చాలా మంది స్టార్ ఆర్టిస్టులు నటిస్తున్నారు. ఈ చిత్రంలో రణబీర్ కపూర్, సాయి పల్లవిలతో పాటు యష్, సన్నీడియోల్ నటిస్తున్నారు. త్వరలోనే ఈ సినిమా అప్‌డేట్‌ వచ్చే అవకాశం ఉంది.
