ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. రాజ్‌కుమార్ పెరియసామి దర్శకత్వం వహిస్తున్న ఈ చిత్రాన్ని ఉలగనాయగన్ కమల్ హాసన్, ఆర్‌. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మిస్తున్నారు. సాయి పల్లవి ఫిమేల్ లీడ్ గా నటిస్తున్నారు. ఈ చిత్రం దీపావళికి అక్టోబర్ 31న ప్రేక్షకుల ముందుకు రానుంది. ఈ సందర్భంగా మేకర్స్ ప్రీరిలీజ్ ఈవెంట్ నిర్వహించారు.
డైరెక్టర్ నాగ్ అశ్విన్ మాట్లాడుతూ.. అందరికీ నమస్కారం. ఆడియన్స్ ఎప్పుడు సపోర్ట్ చేస్తారు. మీ అందరి సపోర్ట్ వల్లే కల్కి ఒక మైల్ స్టోన్ మూవీగా నిలిచింది. అమరన్ విషయానికొస్తే.. రెండు వారాలు ముందు సాయి పల్లవి ఇంట్రో వీడియో చూశాను. అప్పుడే ఈ సినిమా చూడాలని డిసైడ్ అయ్యాను. ఇది చాలా వండర్ఫుల్ స్టోరీ . డైరెక్టర్ చాలా క్లియర్ విజన్ తో ఉన్నారు. ఇలాంటి స్టోరీ చేయాలంటే చాలా ఫ్యాషన్ కావాలి . ఒక రియల్ స్టోరీ తీసినప్పుడు చాలా బాధ్యత ఉంటుంది. కొన్నిసార్లు అలాంటి రియల్ స్టోరీ చెప్పడం చాలా అవసరం. అలాంటి కథలు ప్రేక్షకుల మనసులో చిరస్థాయిగా నిలిచిపోతాయి. కమల్ హాసన్ గారు ఈ సినిమాని ప్రొడ్యూస్ చేయడం వెరీ గ్రేట్. ప్రొడక్షన్ క్వాలిటీ అద్భుతంగా కనిపిస్తుంది. సాయి పల్లవికి మీ అందరిలోనే నేను కూడా ఫ్యాన్ ని. శివ కార్తికేయన్ డాక్టర్ సినిమాకి నేను చాలా పెద్ద ఫ్యాన్ ని. ఎన్నిసార్లు చూశానో లెక్కలేదు. చాలా డిఫరెంట్ రోల్స్ చేస్తుంటారు. ఈ సినిమాకు చాలా పెద్ద విజయం సాధించాలని కోరుకుంటున్నాను. ఇలాంటి సినిమాలు చాలా మంది పీపుల్ కి కనెక్ట్ అవుతాయి. అందరికీ థాంక్యూ సో మచ్’ అన్నారు.
హీరోయిన్ సాయి పల్లవి మాట్లాడుతూ… అందరికీ నమస్కారం. మీ ప్రేమకి థాంక్యూ సో మచ్. నేను చేసే ప్రతి సినిమా ప్రేక్షకులకి నచ్చాలని చాలా అంకితభావంతో పని చేస్తాను. తెలుగులో నాకు చాలా మంచి మంచి క్యారెక్టర్స్ ఇచ్చిన డైరెక్టర్స్ అందరికి ఈ సందర్భంగా థాంక్యూ చెప్తున్నాను . అమరన్ సినిమాతో మీ ముందుకు రావడం చాలా గర్వంగా ఉంది. చాలా మంచి సినిమా. ఇది రియల్ సోల్జర్ జర్నీ. రెండు రోజులు ముందు ఆర్మీ వాళ్లకి ఈ సినిమా చూపించినప్పుడు మా లైఫ్ కూడా ఇలాగే ఉందని వారు చెప్పారు. ఈ సినిమాని చాలా రియల్ గా చూపించారు. ఈ సినిమా నాకు చాలా నచ్చింది. నా క్యారెక్టర్ ని డైరెక్టర్ గారు ఇందులో చాలా అద్భుతంగా చూపించారు. ఈ సినిమాని తెలుగులో రిలీజ్ చేస్తున్న సుధాకర్ రెడ్డి గారికి థాంక్యూ సో మచ్. ఈ సినిమా ద్వారా తెలుగు ప్రేక్షకుల్ని మళ్ళీ కలవడం చాలా ఆనందంగా ఉంది. కొన్ని రోజుల తర్వాత మళ్లీ తండేల్ సినిమాతో వస్తాను. అప్పుడు మరింత మాట్లాడదాం. నేను ఏ పాత్ర చేసిన ఎక్కడికి వెళ్లినా మీ ప్రేమ ఎప్పుడూ నాకు దొరుకుతుంది. ఈ సినిమా మీ అందరికీ నచ్చాలని కోరుకుంటున్నాను’ అన్నారు
దర్శకుడు రాజ్‌కుమార్ పెరియసామి మాట్లాడుతూ.. నాగ్ అశ్విన్ గారికి థాంక్ యూ సో మచ్. ఈ సినిమాని తెలుగు రిలీజ్ చేస్తున్న సుధాకర్ రెడ్డిగారికి థాంక్ యూ. ఇది నేషనల్ వైడ్ గా సెలబ్రేట్ చేసుకునే సినిమా. తెలుగు ప్రేక్షకులు అందరికీ అమరన్ నచ్చుతుంది. శివ కార్తికేయన్ గారు చాలా అంకితభావంతో ఈ సినిమా చేశారు. సాయి పల్లవి ఒక ప్రాజెక్ట్ చేస్తుందంటే అదొక అనుగ్రహం. చాలా వాల్యూ ఆడ్ అవుతుంది. కమల్ హాసన్ గారు వలనే ఈ ప్రాజెక్టు సాధ్యమైంది. చాలా మంచి హ్యూమన్ వాల్యూస్ ఎమోషన్ తో ఈ సినిమా చేశాం తప్పకుండా మీ అందరికీ నచ్చుతుందని నమ్మకం ఉంది’ అన్నారు
రామజోగయ్య శాస్త్రి మాట్లాడుతూ.. సాయి పల్లవి గారు ఒక ప్రాజెక్టు చేస్తున్నారంటే ఆ ప్రాజెక్టుకి ఒక ప్రాముఖ్యత ఉంటుంది. ఈసారి కూడా రియలిస్టిక్ స్టొరీ ని చేస్తున్నారు, శివ కార్తికేయన్ గారికి తెలుగులో కూడా మంచి ఫ్యాన్ బేస్ ఉంది. చాలా అంకితభావంతో ఈ సినిమా చేశారు. ఇలాంటి కథలు పదిమందికి తెలియాలి. మనందరికీ స్ఫూర్తిగా నిలవాలి. అమరవీరులకు ఒక నివాళిగా ఈ సినిమా నిలవాలి. కమల్ హాసన్ గారు ఈ సినిమాని నిర్మించడం చాలా ఆనందంగా ఉంది. ఆయన ఎంచుకున్నారంటే ఈ కథలో ఇంకా ఏదో మ్యాజిక్ ఉంటుంది. ఈ సినిమా రెండు భాషల్లో మంచి బ్లాక్ బస్టర్ విజయం సాధిస్తుందని నా ప్రగాఢ విశ్వాసం’ అన్నారు
