షరతులు వర్తిస్తాయి ట్రైలర్‌ లాంచ్‌

చైత‌న్య రావు, భూమి శెట్టి జంట‌గా న‌టించిన చిత్రం “ష‌ర‌తులు వ‌ర్తిస్తాయి”. కుమార‌స్వామి(అక్ష‌ర‌) ద‌ర్శ‌క‌త్వం వ‌హించిన ఈ చిత్రాన్ని స్టార్ లైట్ స్టూడియోస్ బ్యాన‌ర్‌పై నాగార్జున సామ‌ల‌, శ్రీష్ కుమార్ గుండా, డాక్ట‌ర్ కృష్ణ‌కాంత్ చిత్త‌జ‌ల్లు నిర్మించారు. “షరతులు వర్తిస్తాయి” సినిమా ఈ నెల 15వ తేదీన గ్రాండ్ థియేట్రికల్ రిలీజ్ కు రెడీ అవుతోంది. ఇవాళ ఈ సినిమా ట్రైలర్ రిలీజ్ చేశారు. ఈ సందర్భంగా నిర్మాత డాక్టర్ కృష్ణకాంత్ చిత్తజల్లు మాట్లాడుతూ – ఒక మంచి సినిమాతో మా సంస్థ లాంఛ్ అవుతుండటం హ్యాపీగా ఉంది. మా ప్రొడక్షన్ కు ఒక లాంగ్ రన్ ఉండాలని ప్లాన్ చేస్తున్నాం. అందులో ఫస్ట్ స్టెప్ “ష‌ర‌తులు వ‌ర్తిసాయి” సినిమా. మా మూవీని ఈ నెల 15న ప్రేక్షకుల ముందుకు తీసుకొస్తున్నాం. ఏషియన్ ఫిలిమ్స్, సురేష్ ప్రొడక్షన్స్ మా “ష‌ర‌తులు వ‌ర్తిసాయి” సినిమాను థియేటర్స్ లో రిలీజ్ చేస్తున్నారు. ఇప్పటికి 60 థియేటర్స్ కన్ఫర్మ్ అయ్యాయి. మా టీమ్ కు సపోర్ట్ గా ఉన్న మామిడి హరికృష్ణ, మధుర శ్రీధర్ రెడ్డి గారికి థ్యాంక్స్. “ష‌ర‌తులు వ‌ర్తిసాయి” సినిమాను మీరంతా తప్పకుండా చూడాలని కోరుకుంటున్నా. అన్నారు.

హీరో చైతన్య రావ్ మాట్లాడుతూ – “ష‌ర‌తులు వ‌ర్తిసాయి” ట్రైలర్ మీకు నచ్చిందని ఆశిస్తున్నాను. మీకు నచ్చితే మిగతా వారికి షేర్ చేయండి. మీరొక మంచి సినిమా సజెస్ట్ చేశారని వారు భావిస్తారు. అందరూ చూడాల్సిన సినిమా ఇది. మధ్య తరగతి, దిగువ మధ్య తరగతి వాళ్ల జీవితాల్లో ఉండే సంతోషాలు, బాధలు, అన్ని ఎమోషన్స్ ఈ కథలో ఉంటాయి. మన మధ్య జరుగుతున్న కథలా ఉంటుంది. పూర్తిగా కమర్షియల్ సినిమా ట్రెండ్ నడుస్తున్న ఈ టైమ్ లో ఒక మంచి కాన్సెప్ట్ ఓరియెంటెడ్ మూవీ చేసేందుకు మనసు ఉండాలి. అలాంటి మంచి మనసున్న ప్రొడ్యూసర్స్ నాగార్జున సామ‌ల‌, శ్రీష్ కుమార్ గుండా, డాక్ట‌ర్ కృష్ణ‌కాంత్ మాకు దొరికినందుకు హ్యాపీగా ఫీలవుతున్నాం. కుమారస్వామి మంచి డైరెక్టర్ మాత్రమే కాదు మంచి వ్యక్తి కూడా. “ష‌ర‌తులు వ‌ర్తిసాయి” నా కెరీర్ లో గుర్తుండిపోయే సినిమా అవుతుంది. ఫ్యామిలీ ఆడియెన్స్ కు నన్ను దగ్గర చేస్తుందని ఆశిస్తున్నాను. విజయశాంతి క్యారెక్టర్ లో భూమి శెట్టి బాగా నటించింది. తెలుగులో ఆమెకు మరిన్ని ఆఫర్స్ రావాలని కోరుకుంటున్నా. నేను చిరంజీవి క్యారెక్టర్ లో, భూమి శెట్టి విజయశాంతి అనే క్యారెక్టర్ లో నటించాం. 80లో క్రేజ్ ఉన్న ఆ పెయిర్ కు ట్రిబ్యూట్ గా మా క్యారెక్టర్స్ కు ఆ పేర్లు పెట్టారు డైరెక్టర్ గారు. “ష‌ర‌తులు వ‌ర్తిసాయి” సినిమా ఈ నెల 15న థియేటర్స్ లో రిలీజ్ అవుతోంది. మీ ఆదరణ దక్కుతుందని ఆశిస్తున్నాం. అన్నారు.