రంగారెడ్డి జిల్లాలో విషాదం చోటు చేసుకుంది. కోకపేట్‌లో ఓ సాఫ్ట్వేర్ ఇంజనీర్ ఆత్మహత్యకు పాల్పడ్డాడు. నాగప్రభాకర్‌ అనే సాఫ్ట్వేర్ ఇంజనీర్ 7 అంతస్థుల భవనం పై నుండి కిందికి దూకి బలవన్మరణానికి పాల్పడ్డాడు. విషయం తెలుసుకున్న నార్సింగ్‌ పోలీసులు ఘటనా స్థలానికి తరలివచ్చి మృతదేహాన్ని పోస్టు మార్టం నిమిత్తం ఉస్మానియా ఆసుపత్రికి తరలించారు. ఆంద్రప్రదేశ్ కు చెందిన నాగ ప్రభాకర్ గచ్చిబౌలి లోని ఓ కంపనీ లో సాఫ్ట్వేర్ ఇంజనీర్ గా పనిచేస్తున్నారు.
నాగప్రభాకర్‌ తన విధులను ముగించుకుని కోకపేట్‌లోని తన హాస్టల్‌ గదికి వచ్చి ఈ ఘటనకు పాల్పడ్డాడు. పని ఒత్తిడి కారణంగా ఆత్మహత్య చేసుకున్నట్లు సమాచారం. ఆత్మహత్యకు గల ఇంకా బలమైన కారణాలు ఏమన్నా ఉన్నాయా అన్న కోణంలో పోలీసులు కేసును నమోదు చేసుకుని దర్యాప్తు చేస్తున్నారు.
