శ్రీనువైట్ల ఈ పేరు వింటే చాలు ఎన్నో సక్సెస్‌లు గుర్తొస్తాయి. ద‌ర్శ‌కుడిగా 25 ఏళ్ల సుదీర్ఘ ప్ర‌యాణం ఆయ‌న సొంతం. అయితే `ఆగ‌డు` ద‌గ్గ‌ర నుంచి ఆయ‌న కెరీర్ ఒక్క‌సారిగా మారిపోయింది. అప్ప‌టివ‌ర‌కూ వ‌రుస విజ‌యాల‌తో దూసుకుపోయిన వైట్ల అప్ప‌టి నుంచి వేగం త‌గ్గిపోయింది. చేసిన సినిమాలన్నీ వైఫ‌ల్యాల బాట ప‌ట్టాయి. అయినా వైట్ల బ్రాండ్ ఇమేజ్ తో అవకాశాలు అందుకోగ‌ల్గుతున్నారు. ` సినిమాతో కంబ్యాక్ అవ్వాల‌ని గట్టిగానే ప్ర‌య‌త్నించారు. త‌న మార్క్ ని చూపించే ప్ర‌య‌త్నం చేసారు. కానీ అది నిరాశ‌నే మిగిల్చింది. అయినా త‌గ్గేదేలే అంటూ వైట్ల దూసుకొస్తున్నారు. ఈసారి ఓ కొత్త ఐడియాతో ప్రేక్ష‌కుల ముందుకొస్తాన‌న్న ధీమాని వ్య‌క్తం చేసారు. ఓ చిట్ చాట్ నెక్స్‌ట్‌ చేయ‌బోయే సినిమా గురించిన విష‌యాలు పంచుకున్నారు. అవేంటో ఆయ‌న మాటల్లోనే..` ఇక‌పై నేను క‌థ‌ల్లో కొత్త‌ద‌నం..ఏదైనా వైవిధ్య‌త ఉంటేనే వాటితో ముందుకు వెళ్లాల‌ని నిర్ణ‌యించుకున్నా ప్ర‌స్తుతం ఓ కొత్త‌కుర్రాడు ఇచ్చిన కొత్త ర‌క‌మైన క‌థ‌తో పూర్తి స్థాయిలో వినోదాత్మ‌క చిత్రం తీయాల‌నే ఆలోచ‌న‌లో ఉన్నాం. అది క‌చ్చితంగా పెద్ద హిట్ అవుతుంద‌నే న‌మ్మ‌కం బ‌లంగా ఉంది. క‌థ ఇప్ప‌టికే 70 శాతం పూర్త‌యింది. త్వ‌ర‌లోనే న‌టీన‌టులతోపాటు, టెక్నీషియ‌న్ల వివ‌రాలు వెల్ల‌డిస్తాం` అన్నారు. అయితే ఇందులో హీరో ఎవ‌రు? అన్న‌ది ఇప్పుడు ఆస‌క్తిక‌రంగా మారింది. ప్ర‌స్తుతం స్టార్ హీరోలంతా బిజీగా ఉన్నారు. టైర్-2 హీరోలు కూడా అంతే బిజీగా గ‌డుపుతున్నారు. పైగా వైట్ల ప్లాప్ ల్లో ఉన్నారు? ఛాన్స్ ఇచ్చే ముందు అత‌డి ట్రాక్ కూడా చెక్ చేస్తారు హీరోలు. మ‌రి ఇలాంటి ప‌రిస్థితుల్లో శ్రీనువైట్ల ఏ హీరోని బరిలోకి దించుతారో చూడాలి.
