తెలంగాణ టెన్త్ ఫలితాలను సీఎం రేవంత్ రెడ్డి విడుదల చేశారు. ఈ ఏడాది 92.78% మంది విద్యార్థులు పాస్ అయ్యారు. ఫలితాల్లో 99 శాతంతో మహబూబాబాద్ జిల్లా టాప్ లో నిలవగా.. వికారాబాద్ 73 % ఫలితాలతో చివరి స్థానంలో నిలిచింది. 4,629 పాఠశాలల్లో 100% ఉత్తీర్ణత నమోదైంది. గతాడాది కంటే ఉత్తీర్ణతా శాతం 1.47 శాతం పెరిగింది. గురుకులాల్లో 98 శాతం పాస్ పర్సంటేజ్ నమోదు కాగా.. ప్రైవేట్ స్కూళ్లలో 94.12 శాతం నమోదైంది. ఆశ్రమ పాఠశాలల్లో 95 శాతం ఉత్తీర్ణత నమోదైంది. గతేడాది వరకు పది ఫలితాల్లో సబ్జెక్టుల వారీగా గ్రేడ్లు, సీజీపీఏ ఇచ్చావారు. కానీ ఈ సారి పలు మార్పులు చేశారు. మార్కులతో పాటు గ్రేడ్లను కూడా ఇచ్చారు. రాత పరీక్ష, ఇంటర్నల్ మార్కులు, మొత్తం మార్కులు, గ్రేడ్లను ముద్రించిన మెమోలను అందిచానున్నారు.
4,629 పాఠశాలల్లో వందశాతం పాస్..
ఈ ఏడాది దాదాపు 5 లక్షల మంది విద్యార్థులు పరీక్షలకు హాజరయ్యారు. మహబూబాబాద్ జిల్లాలో అత్యధికంగా 99.29 శాతం ఉత్తీర్ణత నమోదు కాగా.. అత్యల్పంగా వికారాబాద్ జిల్లాలో 73.97 శాతం ఉత్తీర్ణత నమోదైంది. 4,629 పాఠశాలల్లో వంద శాతం ఉత్తీర్ణత నమోదైంది. ఈ సారి రెండు స్కూళ్లలో సున్నా శాతం ఉత్తీర్ణత నమోదు కాగా.. ఆ రెండూ ప్రైవేటువే కావడం గమనార్హం. ఫెయిల్ అయిన విద్యార్థుల కోసం జూన్లో సప్లమెంటరీ పరీక్షలను నిర్వహించనున్నారు. ఆయా విద్యార్థులు మే 16లోగా ఫీజు చెల్లించాల్సి ఉంటుంది. ఈ ఏడాది కూడా ఫలితాలలో బాలికలే పై చేయి సాధించారు. బాలురు 91.32 % ఉత్తీర్ణత సాధించగా.. బాలికలు 94.26 శాతం ఉత్తీర్ణత సాధించారు.
