‘చియాన్ విక్రమ్’ చేసిన తాజా ప్రయోగాత్మకమైన సినిమా ‘తంగలాన్ ‘. పా రంజిత్ డైరెక్షన్ లో వచ్చిన ఈ సినిమా ప్రేక్షకుల ముందుకు వచ్చింది. కొంత మేరకు మెప్పించినా.. సినిమా సెకండాఫ్ కొంత బోర్ కొట్టించింది. ఫస్టాఫ్తో పోలిస్తే.. సెకండాఫ్ లో కళనా.. ఇప్పుడు జరుగుతున్నదా అనే కోణంలో ప్రేక్షకుడు కొంత కన్ఫ్యూజన్కు గురయ్యాడు. ఇక, నటీనటులు 1850 నాటి పాత్రల్లో మెప్పించారు. పాత్రల్లోని తారలు ఫర్వాలేదనిపించారు.
సినిమా విశ్లేషణ
తంగలాన్ పూర్తిగా పీరియాడిక్ యాక్షన్ మాత్రమే కాదు.. రా అండ్ రస్టిక్ సినిమా కూడా. అలాగే సినిమా చూస్తుంటే ఇది ప్యూర్ తమిళ సినిమా అని అర్థమయిపోతుంది. ఈ సినిమా తమిళ్ ప్రేక్షకులకు నచ్చినా తెలుగు ఆడియన్స్ కి కనెక్ట్ అవ్వడం కష్టమే. ఇప్పుడు ఉన్న కోలార్ బంగారు గనులు 200 ఏళ్ళ క్రితం అసలు ఎలా కనిపెట్టారు అనే కథని, బంగారం కాపలా కాసేవాళ్ళు, బంగారం కోసం వచ్చే వాళ్ళ మధ్య యాక్షన్ సీక్వెన్స్ లతో కథని చెప్పారు. కథలో తంగలాన్ (విక్రమ్) తన భార్య గంగమ్మ (పార్వతీ తిరువోతు)తో పాటు తన పిల్లలతో లైఫ్ ను హ్యాపీగా లీడ్ చేస్తుంటాడు. అయితే, అప్పటి బ్రిటిష్ పాలకుల అధికారం కారణంగా తంగలాన్ తన భూమిని కోల్పోవాల్సి వస్తోంది.
తనతో పాటు తన కుటుంబం మొత్తం బానిసలుగా మారాల్సి వస్తోంది. ఈ క్రమంలో జరిగిన కొన్ని నాటకీయ పరిణామాల క్రమంలో బంగారం (‘కోలార్ గోల్డ్ ఫిల్డ్స్ లో’) వెతికి పెట్టమని బ్రిటిష్ దొర తంగలాన్ కి సంబంధించిన తెగ దగ్గరకు వస్తాడు. ఐతే, ఆ బంగారు గనులకి కాపాలా కాస్తున్న ఆరతి (మాళవిక మోహనన్) నుంచి పెద్ద ప్రమాదాలు ఎదురు అవుతాయి. మరి ఆరతి నుంచి తప్పించుకుని తంగలాన్ బంగారాన్ని ఎలా సాధించాడు ?, అసలు తంగలాన్ ఎవరు ?, అరణ్య (విక్రమ్) ఎవరు ? అతనికి ఆరతికి మధ్య సంబంధం ఏమిటి ?, చివరకు తంగలాన్ ఏ నిజం తెలుసుకున్నాడు ? అనేది మిగిలిన కథ.
పాత సినిమాలతో కలిపేశారు
ఫస్ట్ హాఫ్ లో తంగలాన్ ఫ్యామిలీ, ఊరు, అతని కష్టాలు, బ్రిటిష్ వాళ్ళతో కలిసి బంగారం కోసం వెళ్లడం, దార్లో పడే ఇబ్బందులతో కొంచెం స్లో నేరేషన్ లో సాగుతుంది. బంగారం కోసం బయలుదేరినప్పటి నుంచి వచ్చే సీన్స్ యుగానికి ఒక్కడు… అప్పుడప్పుడు గోపీచంద్ నటించిన సాహసం సినిమా కూడా గుర్తొస్తుంది. సెకండ్ హాఫ్ లో ఆ బంగారాన్ని పూర్తిగా కనిపెట్టే క్రమంలో వీళ్ళు పడ్డ కష్టాలు, ఆ బంగారం కాపలాదారుల కథతో కొంచెం ఆసక్తి అనిపించేలా సాగినా.. ఎక్కడో ప్రేక్షకుడు అసహనానికి గురయ్యేలా సాగుతుంది. సినిమా స్టార్టింగ్ కచ్చితంగా బోర్ కొడుతుందనిపించినా.. పాతతరం పాత్రల్లో తారలు కథను నడిపించారు. ప్రీ క్లైమాక్స్ లో వచ్చే ఫ్లాష్ బ్యాక్, ఫస్ట్ హాఫ్ లో వచ్చే తంగలాన్ తాతల కథ మాత్రం ఆసక్తిగా ఉంటుంది. తమిళ్ రా & రస్టిక్ సినిమాలు చూసే వాళ్లకు తంగలాన్ నచ్చొచ్చు. సినిమా విక్రమ్ ఒక్కడే భుజాలపై వేసుకొని నడిపించినట్టు అనిపిస్తుంది.
ఈ ‘తంగలాన్’కు మెయిన్ ప్రాబ్లమ్ సెకండాఫ్. బంగారం కోసం వెళ్లిన ప్రజలను ఆ బంగారానికి కాపలాగా ఉంటున్న అరణ్య ఏం చేస్తుందో మొదట్లో చూపించారు. ఆ సన్నివేశాలు థ్రిల్ ఇచ్చాయి. ఇంటర్వెల్ తర్వాత మరొకసారి ఆ సన్నివేశాలు రావడం రిపీట్ అయిన ఫీలింగ్ కలుగుతుంది. బంగారం తవ్వడం కోసం ఊరు ఊరంతా రావడం, ఆయా సన్నివేశాలు సాగదీత వ్యవహారమే. అయితే, క్లైమాక్స్ థ్రిల్ ఇస్తుంది. కెమెరా వర్క్, మ్యూజిక్ బావున్నాయి. ఆ పాటలు కథలో భాగంగా వెళ్లాయి.
నటీనటుల పర్ఫార్మెన్స్
విక్రమ్ ప్రతి సినిమాకి తనని తాను మలుచుకొన్నట్టే ఈ సినిమా కూడా అలాగే అనిపించిందిజ తంగలాన్ ఫస్ట్ లుక్ రిలీజయినప్పటి నుంచి అందరూ విక్రమ్ కోసమే ఈ సినిమా చూడాలనుకున్నారు. దానికి తగ్గట్టు తంగలాన్ పాత్రలో విక్రమ్ తన పర్ఫార్మెన్స్ తో మరోసారి అదరగొట్టి అందర్నీ మెప్పించాడు. మాళవిక మోహనన్ బంగారాన్ని కాపాడే ఆరతి పాత్రలో యాక్షన్ సీక్వెన్స్ లతో ట్రైబల్ గెటప్ లో అదరగొట్టేసింది. తంగలాన్ భార్యగా పార్వతి తిరువొతు కూడా బాగా నటించింది. పశుపతి, డానియల్.. మిగిలిన నటీనటులు కూడా బాగానే నటించారు.
ప్లస్ పాయింట్స్ :
ఈ చిత్రం భారీ తారాగణంతో భారీ మరియు నిర్మాణ విలువలతో తెరకెక్కించబడటమే ఈ తంగలాన్ ప్రధాన బలం. విక్రమ్ తన పరిపక్వతమైన నటనతో ఈ చిత్రంలోనే ఉత్తమమైన నటనను కనబర్చారు. ముఖ్యంగా క్లిష్టమైన కొన్ని యాక్షన్ సన్నివేశాల్లోనూ తీవ్రమైన భావోద్వేగాలతో పాటు అద్భుత పోరాటాల్లోనూ విక్రమ్ తన మార్క్ నటనతో హైలెట్ గా నిలిచారు. కీలక పాత్ర అయిన ఆరతి పాత్రలో నటించిన మాళవిక మోహనన్ చాలా చక్కగా నటించింది. ఆమెకు విక్రమ్ కు మధ్య వచ్చే సన్నివేశాలు కూడా చాలా బాగా వచ్చాయి.
మొత్తానికి మాళవిక మోహనన్ కు గుర్తు పెట్టుకునే పాత్ర ఈ చిత్రంలో దక్కింది. భార్య గంగమ్మ పాత్రలో పార్వతీ తిరువోతు జీవించింది. అలాగే పశుపతి, డేనియల్ కల్టగిరోన్‌ తమ పాత్రల్లో ఒదిగిపోయారు. ఇక ఇతర కీలక పాత్రలను పోషించిన నటీనటులు కూడా తమ నటనతో ఆకట్టుకున్నారు. ముఖ్యంగా ఈ చిత్రం మొదటి భాగం బాగానే ఉంది. దర్శకుడు పా. రంజిత్ టేకింగ్ అండ్ మేకింగ్ స్టైల్ చాలా బాగున్నాయి. కథా నేపథ్యం కూడా సినిమాకి ప్లస్ అయ్యింది.
మైనస్ పాయింట్స్ :
కమర్షియల్ ఎలిమెంట్స్ కి దూరంగా సాగిన ఈ తంగలాన్ సినిమా తెలుగు ప్రేక్షకులకు ఎంతవరకు కనెక్ట్ అవుతుంది అనేది డౌటే. చాలా లాజికల్ పాయింట్స్ ని పర్ఫెక్ట్ గా రివీల్ చేసిన డైరెక్టర్, కొన్నిటిని మాత్రం ఇన్ డైరెక్ట్ గా చాలా సింపుల్ గా చూపించి వదిలేశాడు. అలాగే కీలకమైన సన్నివేశాలను బాగా రాసుకున్నప్పటికీ.. మిగిలిన సన్నివేశాల్లో ప్రధానంగా సెకండ్ హాఫ్ మధ్యలో వచ్చే కొన్ని సీన్స్ ను ఇంకా ఆసక్తికరంగా మలిచి ఉంటే బాగుండేది. దీనికితోడు ఈ తంగలాన్ స్క్రీన్ ప్లే కూడా చాలా రెగ్యులర్ గా రొటీన్ గా సాగింది.
సినిమా చూస్తున్నంతసేపు తర్వాత ఏం జరుగుతుంది ?, తంగలాన్ పాత్ర ఆరతి నుంచి ఎలా తప్పించకుంటుంది ? అనే ఉత్కంఠను ప్రేక్షకుల్లో బాగానే కలిగించినా.. అదే పాయింట్ చుట్టూ కథను సాగదీయడంతో సినిమాలో కొన్ని చోట్ల ఇంట్రెస్ట్ మిస్ అయ్యింది. క్లైమాక్స్ కి ముందు వచ్చే సీక్వెన్స్ లను కూడా ఇంకా బెటర్ గా చూపించి ఉంటే బాగుండేది. మొత్తానికి దర్శకుడు పా. రంజిత్ టేకింగ్ మీద పెట్టినంత కాన్సన్ట్రేషన్, కథ కథనం మీద పెట్టలేదు.
అయితే టెక్నికల్ అంశాల్లో కొంత వెనకబడి.. తడబడినట్టే కనిపించింది. మంచి కథా నేపధ్యాన్ని తీసుకోవడంలో సక్సెస్ అయిన దర్శకుడు పా. రంజిత్, కొన్ని చోట్ల ఉత్కంఠభరితమైన సీన్స్ ను రాసుకోవడంలో మాత్రం తడబడ్డాడు. కానీ, ఆయన రూపొందించిన సన్నివేశాలు ఆకట్టుకున్నాయి. సంగీత దర్శకుడు జి. వి. ప్రకాష్ సంగీతం పర్వాలేదు. సినిమాటోగ్రఫీ వర్క్ సినిమాకే ప్రత్యేక ఆకర్షణగా నిలుస్తోంది. ఎడిటింగ్ కూడా బాగుంది. ఇక దర్శకుడు ఆలోచనను నమ్మి ఇలాంటి వైవిధ్యమైన చిత్రాన్ని ప్రేక్షకులకు అందించింనందుకు నిర్మాత కేఈ జ్ఞానవేల్ రాజాను అభినందించాలి. ఆయన నిర్మాణ విలువులు చాలా బాగున్నాయి.
చివరగా..
‘తంగలాన్’ అంటూ వచ్చిన ఈ పీరియాడిక్ ఎమోషనల్ యాక్షన్ డ్రామా.. ఓ వర్గం ప్రేక్షకులకు కొత్త అనుభూతిని ఇస్తోంది. ముఖ్యంగా విక్రమ్ నటన, కథా నేపథ్యం, యాక్షన్ సీన్స్ అండ్ కొన్ని ఎమోషనల్ ఎలిమెంట్స్ సినిమాలో ఆకట్టుకునే అంశాలు. అయితే, బోరింగ్ ప్లే, చాలా సీన్స్ రెగ్యులర్ గా అండ్ స్లోగా సాగడం, అలాగే కమర్షియల్ ఎలిమెంట్స్ మిస్ కావడం వంటి అంశాలు సినిమాకి బలహీనతలుగా నిలుస్తాయి. ఓవరాల్ గా పీరియాడిక్ ప్రయోగాత్మకమైన చిత్రాలను ఇష్టపడేవారికి ఈ సినిమా నచ్చినా.. మిగిలిన వర్గాల ప్రేక్షకులకు మాత్రం నచ్చకపోవచ్చు.
