అమెరికాలో ఇటీవలె జరిగిన ఎన్నికల్లో ట్రంప్‌ అధ్యక్షుడిగా ఎన్నికైన విషయం తెలిసిందే. దీంతో అక్రమంగా ఉంటున్న ప్రవాసుల్లో ఒక్కసారిగా గుబులు మొదలైంది. గుట్టుచప్పుడు కాకుండా అమెరికాను వీడేందుకు సిద్ధమవుతున్నారు. సరైన పత్రాలు లేకుండా ఇన్నాళ్లు దేశంలో ఉన్నవాళ్లంతా స్వదేశాలకు వెళ్లిపోయేందుకు ఏర్పాట్లు చేసుకుంటున్నారు. అమెరికాలో పుట్టడంతో పౌరసత్వం పొందిన తమ పిల్లల బాధ్యతలను సంరక్షకులకు అప్పగించి పెట్టెబేడా సర్దుకుంటున్నారు. ఇలాంటి వారికి నోరా సానిడ్గో వంటి సామాజిక కార్యకర్తలు అండగా నిలుస్తున్నారు. అవసరమైన సలహాలు, సూచనలు ఇస్తున్నారు. బర్త్‌ సర్టిఫికెట్లు, మెడికల్, స్కూలు రికార్డులను పిల్లల వద్ద ఉంచాలని సూచిస్తున్నారు.
ప్రవాసులకు స్వర్గధామమైన షికాగోలో చొరబాటుదారులపై ఈ వారం చర్యలు తీసుకోబోతున్నారన్న వార్త అక్కడి ప్రవాసుల్లో కలకలం రేపింది. పలువురు ప్రవాసులు షికాగోలో ఇళ్లు కొనుక్కుని స్థిరపడ్డారు. ఇప్పుడు వారి పరిస్థితి ఏంటన్న దానిపై కూడా మరోవైపు ఆందోళన నెలకొంది.
ట్రంప్‌ ప్రమాణ స్వీకారం…దేశాన్ని వీడేందుకు ప్రవాసుల ఏర్పట్లు
