తిరుమల తిరుపతి దేవస్థానం (టీటీడీ) నిర్వహిస్తున్న కల్యాణ వేదిక కార్యక్రమానికి విశేష స్పందన లభిస్తోంది. తిరుమల పాపవినాశనం రోడ్డులోని కల్యాణ వేదిక వద్ద 2016 ఏప్రిల్ 25 నుంచి టీటీడీ వివాహాలు నిర్వహిస్తోంది. ఈ వివాహాలకు వధూవరుల తల్లిదండ్రులు తప్పనిసరిగా హాజరు కావాలని నిబంధన విధించారు. ఒకవేళ వారు రాలేని పరిస్థితుల్లో ఉంటే, అందుకు సంబంధించిన ఆధార పత్రాలను సమర్పించాల్సి ఉంటుంది.
ఈ పథకం ప్రారంభించిన తర్వాత, ఈ ఏడాది మే 1 వరకు 26,214 వివాహాలు జరిగినట్లు టీటీడీ వెల్లడించింది. ఈ పథకం ద్వారా వివాహానంతరం వధూవరులు, వారి తల్లిదండ్రులతో కలిపి మొత్తంగా ఆరుగురికి ప్రత్యేక ప్రవేశ దర్శనం (రూ.300) ద్వారా శ్రీవారి దర్శనం కల్పిస్తున్నారు. అనంతరం ఉచితంగా ఆరు లడ్డూలను లడ్డూ కౌంటర్ వద్ద అందజేస్తున్నారు. ఈ పథకం కింద తిరుమలలో వివాహం చేసుకునే దంపతులు ఈ అవకాశాన్ని సద్వినియోగం చేసుకోవాలని టీటీడీ ఒక ప్రకటనలో కోరింది.
టీటీడీ కల్యాణ వేదిక కార్యక్రమానికి విశిష్ట స్పందన
