ఇంటికి వెళ్లండి

• బీఎస్​ఎన్​ఎల్​ లో మళ్లీ వీఆర్​ఎస్​
• ఈసారి 19 వేల మంది ఇంటికి

బీఎస్ఎన్ఎల్ లో మరోసారి సంస్కరణలు మొదలయ్యాయి.19 వేల (35%) ఉద్యోగులే లక్ష్యంగా రెండోసారి స్వచ్ఛంద పదవీవిరమణ పథకం (వీఆర్ఎస్) అమలుకు టెలికం శాఖ సిద్ధమవుతోంది. బ్యాలెన్స్ షీట్‌ను మెరుగుపరిచేందుకు వీఆర్‌ఎస్‌ ద్వారా టెల్కోలో ఉద్యోగుల సంఖ్యను తగ్గించాలని (డిపార్ట్​మెంట్​ఆఫ్​ టెలీ కమ్యూనికేషన్స్) ​డాట్‌కు బోర్డు ప్రతిపాదన పంపినట్లు తెలుస్తోంది. దీనికి సంబంధించి ఇప్పటికే ఆర్థికశాఖ అనుమతి కోరినట్టు సమాచారం. ఇందుకు రూ.15వేల కోట్లు అవసరమవుతాయి.

బీఎస్ఎన్ఎల్ ఆదాయంలో 38% అంటే రూ.7,500 కోట్లు జీతాలకే వెళ్లిపోతోంది. దీనిని రూ.5,000 కోట్లకు తగ్గించాలన్నది ప్లాన్. ఆర్థిక మంత్రిత్వశాఖతో పాటు కేబినెట్‌ ఆమోదం అనంతరం వీఆర్‌ఎస్‌ ప్రక్రియ చేపట్టనున్నారు. అయితే ప్రెసెంట్​వీఆర్‌ఎస్‌ ప్లాన్‌ ఇంకా అంతర్గత చర్చల్లో ఉందని, దీనిపై ఎలాంటి తుది నిర్ణయం తీసుకోలేదని సంస్థకు చెందిన ఓ సీనియర్‌ అధికారి వెల్లడించారు. ప్రస్తుతం కంపెనీకి 55 వేల ఉద్యోగులున్నారు. తొలి విడత వీఆర్ఎస్ కు మంచి స్పందనే లభించడం గమనార్హం.