వెంటపడి.. ప్రాణం తీశాడు

• వెంటపడి.. ప్రాణం తీశాడు

• పెళ్లికి నిరాకరణ.. ప్రియురాలి ఆత్మహత్య

హైదరాబాద్ శివారులో దారుణం వెలుగు చూసింది. ప్రేమించిన వ్యక్తి వేధింపులు భరించలేక ఓ యువతి ఆత్మహత్యకు పాల్పడింది. ఈ మేరకు ఆరు పేజీల సూసైడ్ నోట్ రాసినట్లు గుర్తించిన పోలీసులు దర్యాప్తు చేపట్టారు. ప్రేమించకపోతే ఆత్మహత్య చేసుకుంటానని చివరికి ఆమె ఆత్మహత్యకు కారణమయ్యాడు. నువ్వు లేకపోతే చచ్చిపోతానని ఎమోషనల్ బ్లాక్ మెయిల్ చేశాడు. ఏళ్ల తరబడి ప్రేమ కోసం వెనకాలే తిరుగుతున్నాడని కరిగిపోయింది. ఇంట్లోవాళ్లు వద్దని చెప్పినా వినలేదు. ప్రేమించింది. అంతే అప్పటి నుంచి ఆ వ్యక్తి అసలు రూపం బయటపడింది. ఇంకేం చేయలేక ఆ బాధితురాలు ఆత్మహత్య చేసుకుంది.
“ అమ్మా నాన్ని క్షమించండి… మీరు కాదన్నా నేను అతన్ని ప్రేమించాను. ఎప్పటి నుంచో వెంటపడుతున్నాడు… మంచివాడేమో అని నమ్మాను. ఇప్పుడు మోసపోయాను. మోసాన్ని దిగమింగి బతకలేకపోతున్నాటటటటటట” అంటూ ఆమె రాసిన లేఖ ఇప్పుడు కన్నీరు పెట్టిస్తోంది.

హైదరాబాద్‌లోని జీడిమెట్ల పరిధిలో న్యూ ఎల్‌బీనగర్‌లో ఈ దారుణం జరిగింది. అఖిల అనే అమ్మాయిని అఖిల్‌ సాయిగౌడ్ అనే యువకుడు ప్రేమించాడు. ఏళ్ల తరబడి వెంటపడ్డాడు. అఖిల్ ప్రేమకు గ్రీన్ సిగ్నల్ ఇచ్చిన అఖిల లవ్ విషయాన్ని ఇంట్లో వాళ్లకు చెప్పింది. వాళ్లు మాత్రం అంగీకరించలేదు. అతనిపై అనుమాన పడ్డారు. మంచివాడని ఇంట్లో వాళ్లను కూడా ఒప్పించింది. అఖిల, అఖిల్ పెళ్లికి వాళ్లు కూడా అంగీకరించారు. ఇక్కడే ట్విస్ట్ ఇచ్చాడు అఖిల్. అప్పటి వరకు అపరిచితుడిలోని రామ్‌ లెక్క బిహేవ్ చేసిన అఖిల్‌… తన ప్రేమకు గ్రీన్ సిగ్నల్‌ పడ్డ తర్వాత మారిపోయాడు. పిచ్చిపిచ్చిగా ప్రవర్తించాడు. చిన్న చిన్న వాటికి కూడా అఖిలను కొట్టడం ప్రారంభించాడు. రోడ్లపై గొడవ పెట్టుకుని చాలాసార్లు కొట్టాడు. అప్పటి ఇంట్లో వాళ్లకు ప్రేమ విషయాన్ని చెప్పి బలవంతంగా ఒప్పించిన అఖిల.. ప్రియుడి అసలు స్వరూపాన్ని చెప్పలేకపోయింది. చాలా కాలంగా భరిస్తూనే వచ్చింది.

అవి శ్రుతి మించిపోవడంతో తల్లిదండ్రుల దృష్టికి కూడా తీసుకెళ్లింది. త్వరగా పెళ్లి చేసేస్తే అన్నీ సర్దుకుంటాయని వాళ్లు అనుకున్నారు. ఇరు కుటుంబాలు ఓ అంగీకరానికి వచ్చాయి. పెళ్లి చేయడానికి నిశ్చయించుకున్నాయి. అయితే పెళ్లి పేరు చెబితేనే అఖిల్‌ ప్రవర్త పూర్తిగా మారిపోయాడు. పెళ్లి వద్దంటే వద్దని గొడవ పడ్డాడు. పెళ్లి ప్రస్తావన వచ్చినప్పటి నుంచి మొహం చాటేశాడు. దీంతో అఖిల్‌ను ప్రేమించి మోసపోయానని గ్రహించిన అఖిల మానసికంగా పూర్తిగా కుంగిపోయింది. సూసైడ్ చేసుకోవాలని నిర్ణయించుకొని పది పేజీల లేఖ రాసి ఆత్మహత్య చేసుకున్నది.