ప్రిన్స్ శివకార్తికేయన్, సాయి పల్లవి బ్రేవ్ హార్ట్ బ్లాక్ బస్టర్ ‘అమరన్’. రాజ్‌కుమార్ పెరియసామి దర్శకత్వం వహించిన ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మించారు. నితిన్ ఫాదర్ సుధాకర్ రెడ్డి, సిస్టర్ నిఖిత రెడ్డి ఈ చిత్రాన్ని తెలుగులో శ్రేష్ట్ మూవీస్ బ్యానర్ ద్వారా విడుదల చేశారు. దీపావళి కానుకగా అక్టోబర్ 31న విడుదలైన ఈ చిత్రం అన్ని వర్గాల ప్రేక్షకులని అలరించి ఘన విజయాన్ని సాధించి సక్సెస్ ఫుల్ గా రన్ అవుతోంది. ఈ సందర్భంగా టీం ‘అమరన్’ బ్రేవ్ హార్ట్ బ్లాక్ బస్టర్ సక్సెస్ మీట్ నిర్వహించింది. హీరో నితిన్ చీఫ్ గెస్ట్ గా పాల్గొన్న ఈ వేడుక చాలా గ్రాండ్ గా జరిగింది. హీరో నితిన్ మాట్లాడుతూ.. అందరికీ నమస్కారం. ముందుగా ఆడియన్స్ అందరికీ థాంక్యూ. దీపావళికి మూడు సినిమాలు వచ్చాయి. ఈ మూడు సినిమాల్ని పెద్ద హిట్ చేశారు. థాంక్యూ ఆల్. తమిళ్ డబ్బింగ్ సినిమాలా కాకుండా స్ట్రైట్ తెలుగు సినిమాల చూసి అమరన్ ని ఇంత పెద్ద హిట్ చేసిన ఆడియన్స్ అందరికీ థాంక్యూ సో మచ్. విక్రమ్, అమరన్ సినిమాల్లో మమ్మల్ని పార్ట్ చేసిన కమల్ హాసన్ కి మహేంద్రన్ కి థాంక్యూ సో మచ్. అమరన్ సినిమా తీసుకున్నప్పుడు డాడీ చాలా కాన్ఫిడెంట్ గా ఉన్నారు. దానికి కారణం కమల్ హాసన్, రెండు సాయి పల్లవి. ఒక దేశభక్తి సినిమాలో లవ్, ఫ్యామిలీ ఎలిమెంట్స్ ని బ్లెండ్ చేయడం అంత ఈజీ కాదు. డైరెక్టర్ రాజ్ కుమార్ చాలా అద్భుతంగా ఈ సినిమాని తీర్చిదిద్దారు. క్లైమాక్స్ లో వచ్చే ఎమోషనల్ సీన్స్ రియల్లీ హార్ట్ టచింగ్. ఈ సినిమాతో డైరెక్టర్ కి ఫ్యాన్ గా మారిపోయాను. సాయి పల్లవి వర్క్ కి నేను గ్రేట్ ఫ్యాన్ ని. సాయి పల్లవి డాన్స్ కి కూడా నేను పెద్ద అభిమానిని. సాయి పల్లవితో ఒక సినిమాలో డాన్స్ చేయాలి. అది నాకు గ్రేట్ చాలెంజ్. ఆ రోజు తొందరలోనే రావాలని కోరుకుంటున్నాను. అమరన్ లో సాయి పల్లవి నేషనల్ అవార్డు విన్నింగ్ పర్ఫామెన్స్ ఇచ్చారు. శివ కార్తికేయన్, నేను గత నాలుగేళ్లుగా ఫోన్లో, మెసేజెస్ లో మాట్లాకుంటున్నాం. ఫైనల్ గా ఈరోజు ఈ సక్సెస్ మీట్ లో కలవడం చాలా ఆనందంగా ఉంది. ఈ సినిమాలో ఆయన జీవించేసారు. చాలా అద్భుతమైన ట్రాన్స్ఫర్మేషన్ చూపించారు. ఆయన హార్డ్ వర్క్ కి హ్యాట్సాఫ్. ఈ సినిమాతోశివ కార్తికేయన్ మా తెలుగు హీరో, తెలుగు అబ్బాయి అయిపోయారు. అమరన్ ఈ వీక్ తో లైఫ్ టైం కలెక్షన్స్ ఆఫ్ విక్రమ్ నీకు క్రాస్ చేస్తుంది. ఈ సినిమా ఎక్కడ ఆగుతుందో తెలీదు. ఎవ్రీ డే పిక్ అవుతుంది. అమరన్ టీమ్ అందరికీ థాంక్యు. ఈ అవకాశం ఇచ్చిన కమల్ హాసన్ కి థాంక్యూ. జైహింద్’ అన్నారు.
