- గ్రూప్ 1 పోస్టులన్నిటికి సమాన వేతనాలు ఉండాలి
- పి ఆర్ సి కమిటి కి గ్రూప్ 1 అధికారుల సంఘం విజ్ఞప్తి
గ్రూప్ 1 నోటిఫికేషన్ ద్వారా నియామించబడే గ్రూప్ 1 పోస్టు ల వేతనాలలో 3 రకాల వ్యత్యాసాలు ఉన్నాయని వాటిని సవరిస్తూ గ్రూప్ 1 పోస్టులన్నిటికి సమాన వేతనాలు ఉండేలా ప్రభుత్వానికి ప్రతిపాదనలు అందించాలని తెలంగాణ గ్రూప్ 1 అధికారుల సంఘం అధ్యక్ష ,ప్రధాన కార్యదర్శులు మామిండ్ల చంద్ర శేఖర్ గౌడ్, హన్మంతు నాయక్ ఆధ్వర్యంలో గ్రూప్ 1 అధికారుల బృందం ఈ రోజు పి ఆర్ సి కమీషన్ చైర్మన్ శ్రీ శివ శంకర్, సభ్యులు రామయ్య గార్లను కలిసి విజ్ఞప్తి చేసింది.
అదే విధం గా గ్రూప్ 1 అధికారులతో తెలంగాణ అడ్మినిస్ట్రేటివ్ సర్వీస్ ఏర్పాటు, స్టేట్ సివిల్ సర్వీస్ గా గ్రూప్ 1 సర్వీస్ లోని పోస్టులను పరిగణించడం తో పాటు స్థానిక సంస్థల అదనపు కలెక్టర్లు గా గ్రూప్ 1 అధికారులను నియమించేలా ప్రభుత్వానికి ప్రతిపాదనలు అందజేయాలని పి ఆర్ సి కమీషన్ ను కోరారు.
చాలా శాఖ ల లో పదోన్నతులకు ఏళ్ల తరబడి సమయం పడుతున్నందున కాలానుగుణ ( Time Bound ) పదోన్నతులు ఇచ్చేలా చూడాలని కోరారు.
సి పి ఎస్ విధానాన్ని రద్దు చేస్తూ పాత పెన్షన్ విధానాన్ని పునరుద్దరిచేలా చూడాలని ఈ లోగా 2004 కన్నా ముందు జారీ అయిన నోటిఫికేషన్ల ద్వారా నియమితులైన ఉద్యోగులకు కేంద్ర ప్రభుత్వం తరహాలో పాత పెన్షన్ విధానాన్ని పునరుద్దరించాలని గ్రూప్ 1 అధికారుల సంఘం కోరింది.
ఈ సమావేశం లో ఈ సమావేశం లో అధ్యక్షులు మామిండ్ల చంద్ర శేఖర్ గౌడ్ ప్రధాన కార్యదర్శి హన్మంతు నాయక్ ఇతర అధికారులు వేణు మాధవరెడ్డి, హరికిషన్, రమేష్,ప్ర్రేం కుమార్,అనితా గ్రేస్, జయశ్రీ, వెంకన్న, విజయ్,నాగరాజు, యాదగిరి, సోమశేఖర్, యూనూస్, మైత్రి ప్రియ,ప్రశాంతి, పాపయ్య
తదితరులు పాల్గొన్నారు
