టీఎస్, న్యూస్: ఫోన్ ట్యాపింగ్నిందుతులు.. పలువురు వ్యాపారులు, కొంతమంది హవాలా, రియల్టర్ల నుంచి వసూలు చేసిన సొమ్ము ఎక్కడకు వెళ్లింది, ఎవరు తీసుకెళ్లారు, ఎవరెవరికి ఇచ్చారనే కోణంలో సిట్ బృందం వివరాలు సేకరిస్తున్నది. స్పెషల్ ఇంటెలిజెన్స్ బ్రాంచి (ఎస్ఐబీ)లో ఆధారాల ధ్వంసం ఘటనతో మొదలై ఫోన్ ట్యాపింగ్ ఉదంతాన్ని వెలుగులోకి తెచ్చిన కేసు ఇప్పటికీ మలుపులు తిరుగుతూనే ఉంది.
ఈ కేసులో ఇప్పటికే నలుగురు పోలీసు అధికారులు Judicial Custody జ్యుడిషియల్ కస్టడీలో ఉండగా.. తాజాగా రిటైర్డ్ఎస్పీ దివ్యచరణ్ రావును పోలీసులు విచారించడం ప్రాధాన్యం సంతరించుకొంది. దర్యాప్తు క్రమంలో టాస్క్ ఫోర్స్ వాహనాల్లో దొంగచాటుగా సొమ్ము తరలింపు అంశం తెరపైకి వచ్చిన సంగతి తెలిసిందే. ఆ వ్యవహారాలకు సంబంధించి ఆయన్ను విచారించారు. ఫోన్ ట్యాపింగ్ కేసులో కీలక నిందితుడు, టాస్క్ ఫోర్స్ మాజీ ఓఎస్టీ రాధాకిషన్రావు సూచనలతో టాస్క్ ఫోర్స్ ఎస్సై ఒకరు రెండుసార్లు రూ.కోటి చొప్పున తీసుకొచ్చి సికింద్రాబాద్, మలక్పేటల్లోని ప్రముఖ ఆసుపత్రుల్లో దివ్యచరణావుకు అప్పగించినట్లు దర్యాప్తులో వెల్లడైంది.
సదరు ఎస్సై సాక్షిగా ఇచ్చిన వాంగ్మూలాన్ని ఆధారంగా చేసుకొని తాజాగా దివ్యచరణవును విచారించారు. మూడుసార్లు ఆయన్ను పిలిచి వివరాలు రాబట్టినట్లు తెలిసింది. ఎస్సైని రాణిగంజ్, అఫ్జల్గంజ్కు పంపి ఎవరి వద్ద నుంచి డబ్బులు తెప్పించుకున్నారు..? ఆ తెచ్చిన సొమ్మును మళ్లీ ఎక్కడికి పంపించారు..? అందుకు ఆదేశాలిచ్చింది ఎవరు..? అనే కోణంలో ఆరా తీస్తున్నారు. అయితే, ఈ వ్యవహారమంతా గతేడాది అక్టోబరులో జరిగినందున శాసనసభ ఎన్నికల్లో ఎవరైనా అభ్యర్థులకు సమకూర్చారా..?
అని ప్రశ్నిస్తున్నట్లు సమాచారం. అసలు రాధాకిషన్రావు.. ఈ వసూళ్ల పర్వంలో దివ్యచరణ్ రావును ఎందుకు ఎంచుకున్నారనే కోణంలోనూ ఆరా తీసినట్లు తెలిసింది. అయితే, దివ్య చరణ్రావు నుంచి సమాధానాలు రాలేదని తెలిసింది. దీంతో ఆయన్ను మళ్లీ విచారణకు రావాలని సూచించినట్లు సమాచారం. కాగా, ఈ ఫోన్ ట్యాపింగ్ వ్యవహారంలో హవాలా కోణంలో ప్రత్యేకంగా కేసు నమోదు చేసే అవకాశం ఉన్నట్లు చెబుతున్నారు.
 and brought to light the phone tapping){kind=link}